നഗരസഭയ്ക്ക് ബോട്ടിൽ ബൂത്തുകൾ കൈമാറി

അങ്കമാലി: മാലിന്യമുക്തം നവകേരളം പദ്ധതിയുടെ ഭാഗമായി നഗരസഭനടപ്പാക്കിവരുന്ന 'വലിച്ചെറിയാം വലിച്ചെറിയുന്ന ശീലം' കാംപെയിന് പിന്തുണയായി അങ്കമാലി വൈസ്മെൻസ് ക്ലബ്.

നഗരസഭയ്ക്ക് പ്ലാസ്റ്റിക് ബോട്ടിൽ ബൂത്തുകൾ നൽകിയാണ് വൈസ്മെൻസ് ക്ലബ് പദ്ധതിയുടെ ഭാഗമായത്. നഗരസഭാ ചെയർമാൻ അഡ്വ. ഷിയോ പോളിന് ക്ലബ് പ്രസിഡന്റ് ഫ്രാൻസിസ് തച്ചിൽ ബോട്ടിൽ ബൂത്തുകൾ കൈമാറി.

സ്റ്റാൻഡിങ് കമ്മിറ്റി അധ്യക്ഷരായ പോൾ ജോവർ, ജെസ്മ‌ി ജിജോ, കൗൺസിലർമാരായ ലിസി പോളി, സാജു നെടുങ്ങാടൻ, ലില്ലി ജോയി, ടി.വൈ. ഏലിയാസ്, സന്ദീപ് ശങ്കർ, പി.എൻ. ജോഷി, ബാസ്റ്റിൻ ഡി. പാറയ്ക്കൽ, നഗരസഭാ സെക്രട്ടറി ജെയിൻ വർഗീസ് പാത്താടൻ, ക്ലബ് സെക്രട്ടറി അഡ്വ. ബെന്നി വർഗീസ്, ഖജാൻജി സിജു ജേക്കബ്, ഷാബു പട്ടരുമഠം, പി.ജെ. ബാബു എന്നിവർ പ്രസംഗിച്ചു.