ജസ്റ്റിസ് സുശ്രുത് അരവിന്ദ് ധർമാധികാരി ചുമതലയേറ്റു

കൊച്ചി: കേരള ഹൈക്കോടതിയിലേക്ക് സ്ഥലം മാറിയെത്തിയ ജസ്റ്റിസ് സുശ്രുത് അരവിന്ദ് ധർമാധികാരി സത്യപ്രതിജ്ഞ ചെയ്‌ത് ചുമതലയേറ്റു. ഹൈക്കോടതി ബാങ്ക്വറ്റ് ഹാളിൽ നടന്ന ചടങ്ങിൽ ചീഫ് ജസ്റ്റിസ് നിതിൻ ജാംദാർ സത്യവാചകം ചൊല്ലിക്കൊടുത്തു. മധ്യപ്രദേശ് ഹൈക്കോടതിയിൽനിന്നാണ് ജസ്റ്റിസ് ധർമാധികാരിയുടെ സ്ഥലംമാറ്റം. ചത്തീസ്‌ഗഢിലെ റായ്‌പൂർ സ്വദേശിയാണ്.