സ്വകാര്യ ഹജ്ജ് തീർഥാടകരുടെ യാത്രാപ്രതിസന്ധി പരിഹരിക്കണം

മഞ്ചേരി: അരലക്ഷത്തോളം വരുന്ന സ്വകാര്യ ഹജ്ജ് തീർഥാടകരുടെ

പ്രതിസന്ധി തീർത്ത് യാത്ര ഉറപ്പാക്കണമെന്ന് വിസ്‌ഡം ഇസ്‌ലാമിക് ഓർഗനൈസേഷൻ മഞ്ചേരിയിൽ സംഘടിപ്പിച്ച ഹജജ് ക്യാമ്പ് ആവശ്യപ്പെട്ടു. ക്യാമ്പ് സംസ്ഥാന പ്രസിഡൻ്റ് പി.എൻ. അബ്‌ദുല്ലത്തീഫ് മദനി ഉദ്ഘാടനംചെയ്തു. ജില്ലാ വൈസ് പ്രസിഡൻ്റ് ഹുസൈൻ ടി. കാവനൂർ അധ്യക്ഷനായി. ഖുർആൻ വിവർത്തകനും വിസ്‌ഡം ഇസ്‌ലാമിക് ഓർഗനൈസേഷൻ സംസ്ഥാന വൈസ് പ്രസിഡൻറുമായ സി. കുഞ്ഞിമുഹമ്മദ് മദനി പറപ്പൂർ ക്ലാസെടുത്തു. ഡോ. മുബഷിർ, ശബീബ് സ്വലാഹി, കെ.ടി.എം. ഷാജഹാൻ സ്വലാഹി, റഷീദ് കാരപ്പുറം തുടങ്ങിയവർ പ്രസംഗിച്ചു. ജില്ലാ ഭാരവാഹികളായ എം. അബ്‌ദുറഹ്‌മാൻ മദനി, സി.പി. അബ്‌ദുന്നാസർ, ഇ.കെ. അബ്ദുസ്സലാം. വി.പി. നൗഷാദ് എന്നിവർ നേതൃത്വംനൽകി.