തെരുവുനായ്ക്കൾക്ക് പേവിഷപ്രതിരോധ വാക്സിനേഷൻ

ചാത്തന്നൂർ: ജില്ലാപഞ്ചായത്ത് പദ്ധതിയിൽ ഉൾപ്പെടുത്തി നടപ്പാക്കുന്ന

തെരുവുനായ്ക്കൾക്ക് പേവിഷ പ്രതിരോധ വാക്‌സിനേഷൻ പദ്ധതി ചാത്തന്നൂരിൽ തുടങ്ങി. പഞ്ചായത്തിലെ താഴം വാർഡിൽ നടന്ന ചടങ്ങിൽ ജില്ലാപഞ്ചായത്ത് വൈസ് പ്രസിഡൻ്റ് ശ്രീജാഹരീഷ് ഉദ്ഘാടനം ചെയ്തു. ഗ്രാമപ്പഞ്ചായത്ത് പ്രസിഡൻ്റ് എസ്.കെ. ചന്ദ്രകുമാർ അധ്യക്ഷനായി. വൈസ് പ്രസിഡന്റ് ഒ. മഹേശ്വരി, ബ്ലോക്ക് പഞ്ചായത്ത് പ്രസിഡൻ്റ് എം.കെ. ശ്രീകുമാർ, ബ്ലോക്ക് പഞ്ചായത്ത് അംഗം ദസ്‌തക്കീർ, ഗ്രാമപ്പഞ്ചായത്ത് അംഗങ്ങളായ അമൽചന്ദ്രൻ, ഷീബാമധു. വെറ്ററിനറി ഡോക്‌ടർ അനീഷ്, കെ. ബിജു എന്നിവർ പങ്കെടുത്തു. വരുംദിവസങ്ങളിൽ ചാത്തന്നൂർ പഞ്ചായത്തിലെ എല്ലാ വാർഡുകളിലും തെരുവുനായ്ക്കൾക് വാക്‌സിനേഷൻ പദ്ധതി നടപ്പാക്കും.