സലിംരാജിന്റെ ഓർമകളിൽ ഗാനാവതരണം

തൃപ്രയാർ: രാഷ്ട്രീയ, സാമൂഹിക, സാംസ്‌കാരിക രംഗങ്ങളിൽ നിറഞ്ഞുനിന്ന കവിയും ഗാനരചയിതാവുമായിരുന്ന പി. സലിംരാജിൻ്റെ ഓർമകൾ ഗാനങ്ങളായും വാക്കുകളായും നിറഞ്ഞു. സലിംരാജിന്റെ ഒന്നാം ചരമവാർഷികത്തിൻ്റെ ഭാഗമായി നടത്തിയ അനുസ്മരണത്തിലാണ് ഗാനങ്ങളുടെ അവതരണം നടന്നത്. വികെഎസ് ഗായകസംഘമാണ് പാട്ടുകൾ അവതരിപ്പിച്ചത്.

അനുസ്മ‌രണ സമ്മേളനം മുതിർന്ന മാധ്യമ പ്രവർത്തകൻ എം.പി. സുരേന്ദ്രൻ ഉദ്ഘാടനം ചെയ്‌തു. കെ.ആർ സീത അധ്യക്ഷയായി. അശോകൻ ചരുവിൽ, പി.എൻ. ഗോപീകൃഷ്‌ണൻ, ഏങ്ങണ്ടിയൂർ ചന്ദ്രശേഖരൻ, ടി.എ. ഉഷാകുമാരി, കെ.എ. വിശ്വംഭരൻ, വർഗീസാന്റണി, അഡ്വ. വി.ഡി. പ്രേംപ്രസാദ്, പി.ഐ. സജിത, അരവിന്ദൻ പണിക്കശ്ശേരി, പി. സുൾഫിക്കർ, ഇ.പി. ശശികുമാർ എന്നിവർ പ്രസംഗിച്ചു.