പ്രധാന സ്റ്റേഷനുകളിൽ ആർപിഎഫ് ഔട്ട്പോസ്റ്റ് സ്ഥാപിക്കണം -സ്റ്റേഷൻ മാസ്റ്റേഴ്സ‌് അസോ.

പാലക്കാട് റെയിൽവേ പ്രൊട്ടക്ഷൻ ഫോഴ്‌സ് ഔട്ട് പോസ്റ്റ് പ്രധാന സ്റ്റേഷനുകളിലെല്ലാം സ്ഥാപിക്കണമെന്ന് ഓൾ ഇന്ത്യാ സ്റ്റേഷൻ മാസ്റ്റേഴ്‌സ് അസോസിയേഷൻ പാലക്കാട് ഡിവിഷൻ സമ്മേളനം ആവശ്യപ്പെട്ടു. പാലക്കാട്-പൊള്ളാച്ചി റൂട്ടിൽ കൂടുതൽ തീവണ്ടികൾ ഓടിക്കുക. ഷൊർണൂർ എ കാബിൻ-വള്ളത്തോൾ നഗർ ഇരട്ടപ്പാൽ നടപ്പാക്കുക, ഷൊർണൂർ-നിലമ്പൂർ റൂട്ടിൽ കൂടുതൽ മെമു തീവണ്ടികൾ ആരംഭിക്കുക, പ്രധാന സ്റ്റേഷനുകളിൽ അഡീഷണൽ സ്റ്റേഷൻ മാസ്റ്റർമാരെ നിയമിക്കുക തുടങ്ങിയ ആവശ്യങ്ങളടങ്ങുന്ന പ്രമേയങ്ങളും പാസാക്കി.

ഷൊർണൂരിൽ നടന്ന സമ്മേളനം ദേശീയ പ്രസിഡൻ്റ് ബി.പി. കുമാരസ്വാമി ഉദ്ഘാടനം ചെയ്തുതു. ഡിവിഷൻ പ്രസിഡൻ്റ് വി.സി. സതീശൻ അധ്യക്ഷനായി. സോണൽ വർക്കിങ് പ്രസിഡൻ്റ് ഇ.കെ. ബാബു, പി. സുനിൽകുമാർ, ആർ.കെ. ഉണ്ണിക്കൃഷ്ണ‌ൻ, പി.ജി. ആശ, കെ. രാഹേഷ്, ഷൊർണൂർ സ്റ്റേഷൻ മാനേജർ ടി.പി. സന്തോഷ്, എൻ.വി. ദീപ്‌തി മോൾ എന്നിവർ സംസാരിച്ചു.

ഭാരവാഹികൾ: സി. ശ്രീലേഖ (ഡിവിഷണൽ പ്രസി.), വി.സി. സതീശൻ, പി.ജി. ആശ (വൈ. പ്രസി.), കെ. അജിത് (ഡിവിഷണൽ സെക്ര.), ജി.എസ്. മനോജ് (ജോ. സെക്ര.), സൗരവ് ബാനർജി (അസി. സെക്ര.).