സുഭിക്ഷം' പദ്ധതി 200 ദിനം പിന്നിട്ടു; 500 പേർക്ക് സദ്യ ഒരുക്കി ലയൺസ് ക്ലബ്

തൃപ്പൂണിത്തുറ: ലയൺസ് ഇൻ്റർനാഷണൽ ഡിസ്ട്രിക്ട‌് 318 സി. തൃപ്പൂണിത്തുറ നഗരസഭയുമായി സഹകരിച്ച് നടപ്പിലാക്കിവരുന്ന വിശപ്പുരഹിത നഗരം 'സുഭിക്ഷം' പദ്ധതി 200 ദിവസം പിന്നിട്ടതിന്റെ ഭാഗമായി അഞ്ഞുറോളം പേർക്ക് സദ്യ നൽകി.

എരൂർ ആസാദ് പാർക്കിൽനടന്ന പരിപാടി ലയൺസ് ഇൻ്റർനാഷണൽ എക്സി. അഡ്മിനിസ്ട്രേറ്റർ റബേക്ക ദുവോ ഉദ്ഘാടനം ചെയ്‌തു. പദ്ധതിയുടെ ഭാഗമായി ഇതുവരെ എൺപതിനായിരം പേർക്ക് ഉച്ചഭക്ഷണം നൽകിയതായി ബന്ധപ്പെട്ടവർ അറിയിച്ചു.

യോഗത്തിൽ ലയൺസ് ഗവർണർ രാജൻ എൻ. നമ്പൂതിരി അധ്യക്ഷത വഹിച്ചു. 'സുഭിക്ഷം' പദ്ധതിയുടെ സെക്രട്ടറി ജെയിംസ് അറയ്ക്കലിനെ ആദരിച്ചു. ലയൺസ് ഇന്റർനാഷണൽ ഏരിയ ലീഡർ വി. അമർനാഥ്, ആർ.ജി, ബാലസുബ്രഹ്മണ്യം, കെ.ബി. ഷൈൻകുമാർ, എം. ശിവാനന്ദൻ, കുര്യൻ ജോൺ, ജോർജ് സാജു, സിബി ഫ്രാൻസിസ്, കൗൺസിലർ പി.കെ. പീതാംബരൻ തുടങ്ങിയവർ സംസാരിച്ചു.