ലഹരിവിരുദ്ധ സന്ദേശവുമായി യാക്കോബായസഭ യൂത്ത് അസോസിയേഷൻ കായികമേള

മണർകാട് ലഹരിവിരുദ്ധ പ്രവർത്തനങ്ങളുടെ ഭാഗമായി യാക്കോബായസഭാ യൂത്ത് അസോസിയേഷൻ കോട്ടയം ഭദ്രാസനം നടത്തിയ ഗീവർഗീസ് മാർ ഗ്രിഗോറിയോസ് മെമ്മോറിയൽ ഡബിൾസ് ബാഡ്‌മിൻ്റൺ ടൂർണമെൻ്റിൽ പേരൂർ മർത്തശ്‌മൂനി യാക്കോബായ സുറിയാനി പള്ളി ടീമിന് വിജയം. തൃക്കോതമംഗലം സെയ്ന്റ് മേരീസ് ദയറാ പള്ളി ടീം റണ്ണർ അപ്പ് ആയി. വടവാതൂർ മാർ അപ്രേം പള്ളിയിൽ നടന്ന മത്സരത്തിൽ കോട്ടയം ഭദ്രസനത്തിലെ പള്ളികളിൽനിന്നുള്ള ടീമുകൾ പങ്കെടുത്തു. ജില്ലാ പഞ്ചായത്ത് അംഗം റെജി എം. ഫിലിപ്പോസ് മത്സരം ഉദ്ഘാടനംചെയ്തു.

ഫാ. വിബിൻ വർഗീസ് വെള്ളാപ്പള്ളിൽ, ഫാ. അജു കെ. ഫിലിപ്പ്, ഷാൻ ടി. ജോൺ തെക്കേക്കുറ്റ്, ബിനോയ് ജോൺ, ഉതുപ്പ് സ്‌കറിയ, ജോസഫ് പാണ്ടി, സിബിൻ, മിജോ, വിജിൻ, റോബിൻ, ജോൺ, രോഹൻ, അക്ഷയ്, ക്രിസ് എന്നിവർ നേതൃത്വം നൽകി. ഞായറാഴ്‌ച സക്കറിയാസ് മാർ പൊളികാർപ്പസ് മെമ്മോറിയൽ ക്രിക്കറ്റ് ടൂർണമെൻ്റ് നടക്കും.