മന്ത്രി റിജിജുവിന് വഖഫ് ബോർഡിൻ്റെ എബിസിഡി അറിയില്ല -ബ്രിട്ടാസ്

ന്യൂഡൽഹി: നിയമമന്ത്രി കിരൺ റിജിജുവിന് വഖഫ് ബോർഡിൻ്റെ എബിസിഡി അറിയില്ലെന്നും അതിനാലാണ് ഇത്തരം ബിൽ കൊണ്ടുവന്നതെന്നും സിപിഎം അംഗം ജോൺ ബ്രിട്ടാസ്.

2014 തിരഞ്ഞെടുപ്പ് പ്രകടനപത്രികയിൽ ഒരു പാർട്ടി പറഞ്ഞത് മറ്റു സ്വത്തുക്കളിൽ കടന്നുകയറ്റം തടയാൻ തങ്ങൾ പ്രതിജ്ഞാബദ്ധമാണെന്നും വഖഫ് ബോർഡിനെ ശക്തിപ്പെടുത്തുമെന്നുമാണ്. കിരൺ റിജിജുവിൻ്റെ പാർട്ടി ഇപ്പോൾ അതിൽനിന്ന് മലക്കംമറിഞ്ഞിരിക്കുന്നു. ഭരണഘടനയുടെ മതേതരത്വം, ജനാധിപത്യം, സമത്വം എന്ന അടിസ്ഥാനതത്ത്വങ്ങളെയാണിത് ലംഘിക്കുന്നത്. അവർ ഇതിനകംതന്നെ ജനങ്ങളെ വിഭജിച്ചുകഴിഞ്ഞെന്നും ബ്രിട്ടാസ് പറഞ്ഞു.