ഹരിത ടൗണുകൾ പ്രഖ്യാപിച്ച് കൊണ്ടോട്ടി നഗരസഭ

കൊണ്ടോട്ടി: മാലിന്യമുക്തം നവകേരളം കാമ്പയിൻ്റെ ഭാഗമായി നഗരസഭയിലെ വിവിധ അങ്ങാടികൾ ഹരിത ടൗണുകളായി പ്രഖ്യാപിച്ചു. പുതുതലമുറയിൽ മാലിന്യനിർമാർജനത്തെക്കുറിച്ച് അവബോധം സൃഷ്‌ടിക്കുക എന്ന ലക്ഷ്യം മുൻനിർത്തി സംഘടിപ്പിച്ച ചടങ്ങിൽ നഗരസഭാധ്യക്ഷ നിത ഷഹീർ പ്രഖ്യാപനം നടത്തി.

അഷ്റഫ് മടാൻ അധ്യക്ഷത വഹിച്ചു. സി.ടി. ഫാത്തിമത്ത് സുഹ്റാബി, കെ.സി. മൊയ്തീൻ, സൽമാൻ, ഉഷ, മൻസൂർ കാരാട്ടുചാലി, അഭിലാഷ്, വിഷ്ണു. തുടങ്ങിയവർ നേതൃത്വം നൽകി.