ലഹരിക്കെതിരേ ബഹുജന സംഗമം

പുത്തൻചിറ വർധിച്ചു വരുന്ന മയക്കുമരുന്ന് ഉപയോഗത്തിനെതിരെ സിപിഎമ്മിന്റെ നേതൃത്വത്തിൽ പുത്തൻചിറ ഉല്ലാസ് നഗറിൽ ബഹുജന സംഗമവും ബോധവത്കരണ ക്ലാസും സംഘടിപ്പിച്ചു. വടക്കുംകര യുപി സ്കൂൾ പ്രധാനാധ്യാപകൻ ടി.എസ്. സജീവൻ പരിപാടി ഉദ്ഘാടനം ചെയ്തു.

പുത്തൻചിറ പഞ്ചായത്ത് വികസനകാര്യ സ്ഥിരം സമിതി അധ്യക്ഷ എ.എൻ. രേണുക അധ്യക്ഷയായി, അസി.എക്സൈസ് ഇൻസ്പെക്‌ടർ ബിനോയ് ക്ലാസെടുത്തു. സിപിഎം മാള ഏരിയാ സെക്രട്ടറി ടി.കെ. സന്തോഷ്, പുത്തൻചിറ പഞ്ചായത്ത് പ്രസിഡൻ്റ് റോമി ബേബി, വി.എൻ. രാജേഷ്, സി. ധനുഷ് കുമാർ, പി.എ. അജയൻ തുടങ്ങിയവർ പ്രസംഗിച്ചു.