കുറുമ്പത്തൂരിൽ തെരുവുനായ ആക്രമണം; നാലു പേർക്ക് പരിക്ക്

തിരുനാവായ തെരുവുനായയുടെ ആക്രമണത്തിൽ നാലുപേർക്ക് പരിക്ക്. കുറുമ്പത്തൂർ, മേൽപ്പുത്തൂർ, ശില്പിനഗർ എന്നിവിടങ്ങളിലാണ് നായയുടെ ആക്രമണമുണ്ടായത്. എ.കെ.കെ. നഗറിലെ വരിക്കോടത്ത് കുഞ്ഞിപ്പ ഹാജി, മുക്കിലപ്പീടികയിലെ കരിപ്പായി സുലൈഖ മേൽപ്പത്തൂരിലെ തണ്ടാംപറമ്പിൽ കുമാരൻ, അത്തിക്കാട്ട് ആയിഷക്കുട്ടി എന്നിവർക്കാണ് കടിയേറ്റത്, എല്ലാവരും തിരൂർ ജില്ലാ ആശുപത്രിയിൽ ചികിത്സതേടി.

ആയിഷക്കുട്ടിയുടെ പരിക്ക് ഗുരുതരമായതിനാൽ മഞ്ചേരി മെഡിക്കൽ കോളേജിലേക്കുമാറ്റി. മുഖത്തും കൈയ്ക്കും കാലിനുമാണ് കടിയേറ്റത്. പ്രദേശങ്ങളിൽ തെരുവുനായശല്യം രൂക്ഷമായതിനാൽ നടപടി സ്വീകരിക്കണമെന്നാണ് നാട്ടുകാരുടെ ആവശ്യം.