ലഹരിവിരുദ്ധ കുട്ടിക്കൂട്ടം കർമസേന

പരിയാരം പരിയാരം സെയ്‌ൻ്റ് ജോർജ് ദേവാലയത്തിലെ കേന്ദ്ര സമിതി, കത്തോലിക്ക കോൺഗ്രസ്, കെസിവൈഎം എന്നിവരുടെ നേതൃത്വത്തിൽ ലഹരിവിരുദ്ധ ബോധവത്‌കരണ യജ്ഞണം നടത്തി. ഇടവകയിലെ 28 കുടുംബ യൂണിറ്റുകളിൽ 28 ലഹരിവിരുദ്ധ കുട്ടിക്കൂട്ടം കർമസേന രൂപവത്കരിച്ച് പ്രവർത്തനവും തുടങ്ങി. ചാലക്കുടി എക്സൈസ് ഇൻസ്പെക്‌ടർ അനീഷ് കുമാർ ഉദ്ഘാടനം ചെയ്തു.

അസി. എക്സൈസ് ഇൻസ്പെക്‌ടർ കെ.എ. ടോണി ക്ലാസ് നയിച്ചു. വികാരി ഫാ. വിൽസൺ എലുവത്തിങ്കൽ കുനൻ, ദീപ തോമസ്, ഫാ. സ്റ്റീഫൻ കുള സിഎംഐ., ജോൺ തെക്കേക്കരെ, പോളി തെക്കേക്കര, ജിജോ പരുത്തിപറമ്പൻ എന്നിവർ പ്രസംഗിച്ചു.