രണ്ടിനങ്ങളിൽമാത്രം 750 കോടി; സർക്കാർ കുടിശ്ശിക കാത്ത് സംഘങ്ങൾ

കോട്ടയം: പ്രാഥമികസംഘങ്ങൾക്ക് ബാധ്യതയായി സർക്കാരിൽനിന്ന് കിട്ടാനുള്ള വലിയ തുകകൾ, 47,000 കോടിയുടെ കിട്ടാക്കടത്തിന് പുറമേയാണ് ഈ ബാധ്യതകൾ. കാർഷിക കടാശ്വാസത്തിൻ്റെ സർക്കാർ വിഹിതം, വായ്‌പ സബ്‌സിഡി എന്നിവമാത്രം അനുവദിച്ചാൽ ഇപ്പോൾ 750 കോടി രൂപയോളം സംഘങ്ങൾക്ക് കിട്ടും.

* കാർഷിക കടാശ്വാസ കമ്മീഷൻ അംഗീകരിച്ച അപേക്ഷകളിൽ സംഘങ്ങൾക്ക് സർക്കാർ വിഹിതമായി 300 കോടി രൂപ കൊടുക്കാനുണ്ട്. ഒരു വായ്‌പയിൽ കമ്മീഷൻ ആശ്വാസം പ്രഖ്യാപിച്ചാൽ പാതി തുക സർക്കാർ സംഘത്തിന് നൽകണം. ജനുവരിവരെ തീർപ്പാക്കിയ 36,635 അപേക്ഷകളിൽ പണം നൽകാൻ ബാക്കി.

* കാർഷികവായ്‌പയിൽ സംഘങ്ങൾക്ക് സബ്‌സിഡിയിനത്തിൽ സർക്കാർ കൊടുക്കേണ്ടത് 449.11 കോടി രൂപ. കാർഷികവായ്പ‌കൾക്ക് ആറുശതമാനമാണ് പലിശ. ഇതിൽ മൂന്നുശതമാനം സർക്കാർ സബ്സിഡി. ഉത്തേജന പലിശയിളവ് പദ്ധതി എന്നപേരിൽ തുടങ്ങിയ ക്രമീകരണം ഏതാണ്ട് നിലച്ചു. 2014 മുതലുള്ള അപേക്ഷകളിൽ പണംനൽകാനുണ്ട്.

കേരള ബാങ്കിലെ സംഘങ്ങളുടെ ഒ മഹരികളിലെ ലാഭവിഹിതം. കേരള ബാങ്കിൽ 60 ശതമാനം ഓഹരികളാണ് സംഘങ്ങൾക്കുള്ളത്. കേരള ബാങ്ക് ലാഭത്തിലാകുമ്പോഴേ ലാഭവിഹിതം നൽകാൻ കഴിയൂ എന്ന് അധികൃതർ.

* സംഘങ്ങൾ കേരള ബാങ്കിൽനിന്നെടുക്കുന്ന വായ്‌പയ്ക്ക് ആശ്വാസവും അനുവദിക്കുന്നില്ല.

സംഘങ്ങൾ കിട്ടാക്കടത്തിന് ആനുപാതികമായി കരുതൽധനം നീക്കിവെയ്ക്കണം. ഇത് ദൈനംദിന പ്രവർത്തനത്തെ ബാധിക്കുന്നു. മൂന്നുതവണ തിരിച്ചടവ് മുടങ്ങിയ വായ്‌പകൾ കിട്ടാക്കടമായി കണക്കാക്കാനാണ് പുതിയ നിർദേശം.

* ജിഎസ്ട‌ി ഈടാക്കി സംഘങ്ങൾ അടയ്ക്കണമെന്ന നിർദേശം. 2017 മുതൽ വർഷം ശരാശരി 20 കോടി രൂപവരെ കുടിശ്ശികയുണ്ടാകും.

* ക്ഷേമപെൻഷൻ, കെഎസ്ആർടിസി പെൻഷൻ എന്നിവയ്ക്ക് സർക്കാർ ഉണ്ടാക്കിയ നിധിയിലേക്ക് സ്വീകരിച്ച സംഘങ്ങളുടെ തുക. നഷ്ടത്തിലായ സംഘങ്ങളുടെ പുനരുദ്ധാരണ നിധിക്ക് ലാഭത്തിലുള്ളവയിൽനിന്ന് തുക സ്വീകരിച്ചിട്ടുണ്ട്. ഇവയ്ക്കെല്ലാം മെച്ചപ്പെട്ട പലിശ ലഭിക്കുന്നുണ്ട്. പക്ഷേ, അടക്കാടി ഇത്തരം സമാഹരണം നടത്തുന്നത് സംഘങ്ങൾക്ക് ഞെരുക്കമുണ്ടാക്കുന്നു.