വൈത്തിരിയിൽ താലൂക്ക് ആശുപത്രിയിൽ ഡിജിറ്റൽ എക്സ‌്റേ സംവിധാനം

വൈത്തിരി: വൈത്തിരി താലൂക്ക് ആശുപത്രിയിൽ ഡിജിറ്റൽ എക്സ്റേ സംവിധാനമൊരുങ്ങി. ഇനി ഉയർന്നനിലവാരമുള്ള എക്‌സ്റേ ചിത്രങ്ങൾ എടുക്കാനും സമയബന്ധിതമായി രോഗികൾക്ക് നൽകാനും കഴിയും.

ഡിജിറ്റൽ എക്സ്റേ സംവിധാനത്തിൽ രോഗികൾക്കും ആരോഗ്യപ്രവർത്തകർക്കും ഏൽക്കുന്ന എക്‌സ്‌റേ വികിരണത്തിന്റെ തോത് കുറയും. കല്പറ്റ ബ്ലോക്ക് പഞ്ചായത്ത് പ്രസിഡൻ്റ് ചന്ദ്രികാ കൃഷ്‌ണൻ ഉദ്ഘാടനംചെയ്തു. വൈത്തിരി ഗ്രാമപ്പഞ്ചായത്ത് പ്രസിഡൻ്റ് എം.വി. വിജേഷ് അധ്യക്ഷതവഹിച്ചു.

ബ്ലോക്ക് പഞ്ചായത്ത് വൈസ് പ്രസിഡൻ്റ് ഫൗസിയ ബഷീർ, സ്ഥിരംസമിതി അധ്യക്ഷരായ ജഷീർ പള്ളിവയൽ, ബി. ആയിഷ, ലക്ഷ്‌മി കേളു, വാർഡ് അംഗങ്ങളായ ജയപ്രകാശ്, വി. ജിനിഷ, ആശുപത്രി സൂപ്രണ്ട് ഡോ. ഷിജിൻ ജോൺ ആളൂർ, കല്പറ്റ ബ്ലോക്ക് പഞ്ചായത്ത് സെക്രട്ടറി സി.പി. പ്രദീപൻ തുടങ്ങിയവർ സംസാരിച്ചു.