ഹരിതാമൃതം പതിനഞ്ചാം വാർഷികം : ടി .ശ്രീനിവാസൻ

ഹരിതാമൃതം പതിനഞ്ചാം വാർഷികം

: ടി .ശ്രീനിവാസൻ 

പതിനഞ്ചാം വാർഷികം ആഘോഷിക്കുന്ന ഹരിതാമൃതം 2025-ൽ അനാഥമാക്കരുത് മാതാപിതാക്കളെ എന്ന വിഷയം ചർച്ച ചെയ്യുകയാണ്. ഫിബ്രവരി 6 മുതൽ 11 വരെ വടകര ടൗൺഹാളിൽ വെച്ചു നടക്കുന്ന ഹരിതാമൃതം'25 ഫിബ്രവരി 6ന് ഉച്ചയ്ക്ക് ശേഷം 3 മണിക്ക് കോഴിക്കോട് സർവ്വകലാശാല മുൻവൈസ്ചാൻസലർ ഡോ.കെ.കെ.എൻ.കുറുപ്പ് ഉദ്ഘാടനം ചെയ്യും. മികച്ച വനിതാ കർഷക എന്ന ഖ്യാതി നേടിയ സ്ലെസി ഏറാമല, അപസ്മാര ചികിത്സകൻ മലയിൽ ദാമോദരൻ വൈദ്യർ എന്നിവർക്ക് ആദരവ് നൽകും. ബ്രോഷർ പ്രകാശനം മുൻമന്ത്രി സി. കെ നാണു നിർവ്വഹിക്കും. വടകരയിലെ രാഷ്ട്രീയ പാർട്ടി നേതാക്കൾ ആശംസ പ്രസംഗം നടത്തും. സമുദ്ര ആയൂർവേദ ഗവേഷണ കേന്ദ്രം ആസ്ഥാന ഗുരുനാഥൻ കെ. ഗോപാലൻ വൈദ്യർ ഭദ്രദീപം തെളിയിക്കും. വൈകുന്നേരം 6 മണിക്ക് "മനുഷ്യമൂത്രവും ചികിത്സയും" എന്ന വിഷയത്തിൽ അഡ്വ.ടി.നാരായണൻ വട്ടോളി പ്രഭാഷണം നടത്തും.

 ഫിബ്രവരി 7 ന് കാലത്ത് 10 മണിക്ക്

റസിഡൻസ് അസോസിയേഷനുകളുടെ കൂട്ടായ്മ സംഘടിപ്പിക്കും. റിട്ട:റെയിൽവെസ്റ്റേഷൻമാസ്റ്റർ കുനിയിൽവത്സലൻ കൂട്ടായ്മക്ക് നേതൃത്വം നൽകും. "ശാസ്ത്രീയവും ആരോഗ്യകരവുമായ ജീവിതരീതിയും,ഭക്ഷണ രീതിയും" എന്ന വിഷയത്തിൽ ആരോഗ്യ വിദ്യാഭ്യാസ പ്രചാരകൻ എം.സനൂപിൻ്റെ പഠനക്ലാസ്സ് ഉണ്ടായിരിക്കും. 

ഉച്ചയ്ക്ക് 2 മണിക്ക് "പരിസ്ഥിതി സംരക്ഷണത്തിൻ്റെ പ്രസക്തി" എന്ന വിഷയത്തെ അടിസ്ഥാനമാക്കിയുള്ള ശിൽപ്പശാലയ്ക്ക് പ്രമുഖ പരിസ്ഥിതി ശാസ്ത്രജ്ഞനും, മുൻ ജലവകുപ്പ് ഡയറക്ടറുമായ ഡോ.വി.സുഭാഷ്ചന്ദ്രബോസ് നേതൃത്വം നൽകും. 

വൈകുന്നേരം 4മണിക്ക് ദിവംഗതനായ : ഹരിതാമൃതം ചീഫ് കോ-ഓർഡിനേറ്റർ പി.ബാലൻമാസ്റ്ററുടെ സ്മരണയ്ക്കായി ഏർപ്പെടുത്തിയ എൻഡോവ്മെൻ്റിൻ്റെ വിതരണം വടകരനഗരസഭാ ചെയർപേഴ്സൺ കെ.പി.ബിന്ദു നിർവ്വഹിക്കും. ചരിത്രഗ്രന്ഥകാരൻ പി.ഹരീന്ദ്രനാഥ് അനുസ്മരണ പ്രഭാഷണം നടത്തും. 

വൈകുന്നേരം 6മണിക്ക്

കെ.തങ്കച്ചൻവൈദ്യരുടെ പ്രഭാഷണം. വിഷയം:ഔഷധസസ്യങ്ങളുടെ പ്രാധാന്യം. 

ഫെബ്രുവരി 8 ന് കാലത്ത് 10 മണിക്ക്

ഓയിസ്ക വടകര ചാപ്റ്ററിൻ്റെ ആഭിമുഖ്യത്തിൽ "കാർബൺ വിപണനപദ്ധതി- കർഷകർക്ക് അധിക വരുമാനം" എന്ന 

വിഷയത്തെ അടിസ്ഥാനമാക്കിയുള്ള സെമിനാർ സംസ്ഥാന കൃഷിവകുപ്പ് അസി:ഡയറക്ടർ പി.പ്രസാദ് ഉദ്ഘാടനം ചെയ്യും. എം.അരവിന്ദ്ബാബു 

(ഡപ്യൂട്ടി സെക്രട്ടറി ജനറൽ ഓയിസ്ക ഇൻ്റർനേഷണൽ, ടോക്കിയോ, ജപ്പാൻ) മുഖ്യാതിഥിയാകും. ഓയിസ്ക സൗത്ത് ഇന്ത്യൻ ചാപ്റ്റർ ചീഫ് കോ-ഓർഡിനേറ്റർ പി.കെ.നളിനാക്ഷൻ വിഷയാവതരണം നടത്തും. 

ഉച്ചയ്ക്ക്ശേഷം 2മണിക്ക്

"അനാഥരാക്കരുത്. മാതാപിതാക്കളെ" എന്ന വിഷയത്തെ അടിസ്‌ഥാനമാക്കിയുള്ള സെമിനാർ കോഴിക്കോട് NITയിലെആർക്കിടെക്ടർ പ്രൊഫസറും സെന്റർ ഫോർ യോഗ&

ഹോളിസ്റ്റിക് വെൽനസ് ചെയർപേഴ്സണുമായ ഡോ:എ.കെ.കസ്തൂർബ ഉദ്ഘാടനം ചെയ്യും. ആയുർമന്ത്ര ഹോസ്പിറ്റൽ & ഹോളിസ്റ്റിക് റിസർച്ച് സെൻറർ മാനേജിംഗ്ഡയറക്ടർ ഡോ.എം.കെ.രശ്മി അദ്ധ്യക്ഷത വഹിക്കും. മടപ്പള്ളി ഗവ: കോളേജ് റിട്ട:പ്രിൻസിപ്പൽ പ്രൊഫ:ടി.വി.അബ്ദുനൂർ, മെഡിറ്റേഷൻ ഗൈഡ് ഷെർലി ശുകൻ തുടങ്ങിയവർ വിഷയാവതരണം നടത്തും. 

വൈകുന്നേരം 5 മണിക്ക്

മർമ്മവൈദ്യ ഗുരുനാഥൻ, ഡോ:എ.കെ.പ്രകാശൻ ഗുരുക്കൾ "ഔഷധരഹിതമർമ്മചികിത്സ" എന്ന വിഷയത്തിൽ പ്രഭാഷണം നടത്തും.

 ഫെബ്രവരി 9-ന് കാലത്ത് പത്ത് മണിക്ക്

സമുദ്ര ആയുർവ്വേദ ഗവേഷണ കേന്ദ്രത്തിൻ്റെ ആഭിമുഖ്യത്തിൽ "ഹോർത്തൂസ് മലബാറിക്കൂസ്" എന്ന പുസ്തകത്തെക്കുറിച്ച് ചർച്ച സംഘടിപ്പിക്കും. കേന്ദ്ര സാഹിത്യ അക്കാദമി പുരസ്കാര ജേതാവും കൊച്ചി സർവ്വകലാശാലയുടെ മുൻ സെനറ്റ്അംഗവുമായ ആർ.എസ്.ഭാസ്കർ പുസ്തകചർച്ച ഉദ്ഘാടനം ചെയ്യും. റിട്ട:ഡി.വൈ.എസ്.പി. പി.പി.ഉണ്ണികൃഷ്ണൻ വിഷയാവതരണം നടത്തും. കേരള സർവ്വകലാശാലയിൽ നിന്നും നഴ്സിംഗ് സൂപ്പർവൈസറായി റിട്ടയർ ചെയ്ത എ.കെ.വിനോദ, ജൈവവൈവിധ്യ ബോർഡിൻെറ പുരസ്കാരം ലഭിച്ച റിട്ട:സബ് ഇൻസ്പെക്ടർ വിദ്യാധരൻ ചേർത്തല, ആയുർവ്വേദ ഗവേഷക ഡോ.ദീപ്തി സാത്വിക് എന്നിവർ ചർച്ചയിൽ പങ്കെടുത്ത് സംസാരിക്കും. തയ്യുള്ളതിൽ രാജൻ അദ്ധ്യക്ഷത വഹിക്കും.

 ഉച്ചയ്ക്ക് രണ്ട് മണിക്ക്

നടക്കുന്ന ഓപ്പൺ ഫോറത്തിൽ എം.വി. ജനാർദ്ദനൻ വൈദ്യർ "മഞ്ഞൾമഹാത്മ്യം" ലക്ഷമണൻ വൈദ്യർ "ആയൂർവ്വേദചികിത്സയുടെ പ്രാധാന്യം" , കെ.വി.മുഹമ്മദ്ഗുരുക്കൾ "കളരി മർമ്മചികിത്സ" തുടങ്ങിയ വിഷയങ്ങൾ അവതരിപ്പിക്കും.

വൈകുന്നേരം 5 മണിക്ക്

മികച്ച ജൈവ കർഷകനും, നാടൻ കന്നുകാലി പരിപാലകനുമായി മഹാത്മദേശസേവ എഡ്യൂക്കേഷണൽ& ചാരിറ്റബിൾ ട്രസ്റ്റ് ഏർപ്പെടുത്തിയ ഹരിതാമൃതം പുരസ്കാരദാനം കെ.കെ.രമ എം.എൽ.എ. നിർവ്വഹിക്കും. വി.എ.ദിനേശൻ പുരസ്കാരം ഏറ്റുവാങ്ങും. 

ഫിബ്രവരി 10-ന് കാലത്ത് പത്ത്മണിക്ക്

കേരള ജൈവകർഷക സമിതി കോഴിക്കോട് ജില്ലാ കമ്മറ്റിയുടെ ആഭിമുഖ്യത്തിൽ കാർഷിക സെമിനാർ സംഘടിപ്പിക്കും. "ജനിതകമാറ്റം വരുത്തിയ വിത്തുകളുടെ ദോഷവശങ്ങൾ" എന്ന വിഷയത്തിൽ നടക്കുന്ന സെമിനാർ ASHA സംസ്ഥാന കോ-ഓർഡിനേറ്റർ എസ്.ഉഷ ഉദ്ഘാടനം ചെയ്യും. ഒരേ ഭൂമി ഒരേ ജീവൻ, പ്രസിഡൻറ് വി.അശോകകുമാർ വിഷയം അവതരിപ്പിക്കും.

 ഉച്ചയ്ക്ക് രണ്ട് മണിക്ക്

നടക്കുന്ന ഓപ്പൺഫോറത്തിൽ "എണ്ണപ്പലഹാരങ്ങൾ വിഷമാകരുത്" എന്ന വിഷയം കേരള ജൈവകർഷകസമിതി പ്രസിഡൻ്റ് സി.വിശാലക്ഷൻമാസ്റ്ററും "ഊർവ്വരമണ്ണിലെ കൃഷിയും,ആരോഗ്യവും" എന്ന വിഷയം ഒരേ ഭൂമി ഒരേ ജീവൻ ജനറൽ സെക്രട്ടറി നർഗ്ഗീസ് ടീച്ചറും അവതരിപ്പിക്കും. 

വൈകു 5 മണിക്ക്

ജനാരോഗ്യ പ്രസ്ഥാനത്തിൻ്റെ സംസ്ഥാന ജനറൽ സെക്രട്ടറി കെ.വി.സുഗതൻ "മരുന്ന് കമ്പനികളുടെ മനുഷ്യത്വവിരുദ്ധത" എന്ന വിഷയത്തെ അടിസ്ഥാനമാക്കി പ്രഭാഷണം നടത്തും.

 ഫിബ്രവരി 11-ന് കാലത്ത് 10 മണിക്ക്

നടക്കുന്ന ആരോഗ്യ സെമിനാർ വടകര നഗരസഭയിൽ ജനകീയാസൂത്രണ പദ്ധതി കാലത്ത് വടകര നഗരസഭാ സെക്രട്ടിയായിരുന്ന സംസ്ഥാന ഗവണ്മെന്റ് സെക്രട്ടറിയായി റിട്ടയർ ചെയ്ത പി.വേണുഗോപാൽ IAS ഉൽഘാടനം ചെയ്യും. ജനകീയാസൂത്രണ പദ്ധതിയുടെ വടകര നഗരസഭാ കോ-ഓഡിനേറ്റർ ആയിരുന്ന മണലിൽ മോഹനൻ, കാർഷിക മേഖലയിൽ പ്രത്യേക ഇടപെടൽ നടത്തിയ റാണി പബ്ലിക്ക് സ്കൂൾ ചെയർമാൻ വി.ആർ.കൃഷ്ണൻ , ദിനേശ് ഫുഡ്സ് പ്രസിഡണ്ടും മുൻ നഗരസഭാ കൗൺസിലറുമായ എം.ഭാസ്കരൻ എന്നിവർക്ക് ആദരവ് നൽകും. 

കണ്ണൂർ ജില്ലാ പഞ്ചായത്ത് സ്റ്റാൻഡിംഗ് കമ്മറ്റി ചെയർമാൻ V.K.സുരേഷ് ബാബു മുഖ്യപ്രഭാഷണം നടത്തും. IMAയുടെ നമ്മുടെ ആരോഗ്യം മാസികയുടെ മുഖ്യപത്രാധിപനായ ഡോ.എം.മുരളീധരൻ , "ആരോഗ്യ മേഖലയിൽ കേരളത്തിൽ എന്ത് സംഭവിക്കുന്നു ?" എന്ന വിഷയം അവതരിപ്പിക്കും. വിവിധ ചികിൽസാ ശാഖകളിലെ വിദഗ്ദ്ധർ സെമിനാറിൽ പങ്കെടുക്കും. 

ഉച്ചയ്ക്ക് ശേഷം മൂന്ന് മണിക്ക്

നടക്കുന്ന സമാപന സമ്മേളനം ഊരാളുങ്കൽ ലേബർ കോൺട്രാക്റ്റ് കോ-ഓപ്പറേറ്റീവ് സൊസൈറ്റി പ്രസിഡൻ്റ് രമേശൻ പാലേരി ഉദ്ഘാടനം ചെയ്യും. ഹരിതാമൃതം ചെയർമാൻ പി.പി.ദാമോദരൻ അദ്ധ്യക്ഷം വഹിക്കും. വടകരയിലെ സാമൂഹ്യ സാംസ്കാരിക രംഗത്തെ പ്രമുഖർ പ്രസംഗിക്കും. 

വൈൽഡ്ഫോട്ടോഗ്രാഫർബിജുകാരക്കോണം(തിരുവനന്തപുരം) അതിസാഹസികമായി വനത്തിൽ നിന്നുമെടുത്ത ഫോട്ടോകൾ ഹരിതാമൃതത്തിൽ പ്രദർശിപ്പിക്കും. 

ചിത്രകലാ അദ്ധ്യാപിക അനുശ്രീ ചോറോടിന്റെ ചിത്രപ്രദർശനം സംഘടിപ്പിക്കും.

മോഹനൻമോഹനാലയം& പാർട്ടി അവതരിപ്പിക്കുന്ന ഗാനാഞ്ജലി, 

റസാഖ് കല്ലേരിയുടെ ഏകാങ്കനാടകം, ഗവ:ഹയർസെക്കണ്ടറി സ്കൂൾ ആറാം ക്ളാസ് വിദ്യാർത്ഥിനി റിഥിക.എസ് അവതരിപ്പിക്കുന്ന മോണോആക്ട് തുടങ്ങിയ കലാപരിപാടികൾ അവതരിപ്പിക്കും.

 നാട്ടുമാവുകളുടെയും, പിലാവുകളുടെയും മറ്റും ഒട്ടുതൈകൾ വികസിപ്പിച്ചെടുത്ത് ലോകോത്തര ശ്രദ്ധ നേടിയ R.K ശ്രീധരൻ വള്ളിത്തോടിൻ്റെ മലനാട് നഴ്സറിയുടെയും, അക്ഷരാർത്ഥത്തിൽ കൃഷിയിൽ ഭഗീരഥപ്രയത്നം നടത്തി വിജയം വരിച്ച വലിയ നിലയിലുള്ള സാമൂഹ്യ അംഗീകാരം നേടിയെടുത്ത സുജാത ഗുരുവായൂരിൻ്റ ചീരസ്ക്വാഷിൻ്റെയും പവലിയൻ അടക്കം നിരവധി സവിശേഷമായ പവലിയനുകൾ ഹരിതാമൃതം'25ൽ ഉണ്ടാകും.