നിലവാരമില്ലാത്ത 45 മരുന്നുകള്‍ പിൻവലിക്കാൻ നിര്‍ദേശം

ന്യൂഡല്‍ഹി: ഗുണനിലവാരമില്ലാത്ത 45 ഓളം മരുന്നുകള്‍ വിപണിയില്‍നിന്ന് പിൻവലിക്കാൻ നിർമാതാക്കള്‍ക്ക് നിർദേശം നല്‍കി ഡ്രഗ്‌സ് കണ്‍ട്രോളർ ജനറല്‍ ഓഫ് ഇന്ത്യ.അഞ്ച് വ്യാജ മരുന്നുകളുടെ നിർമാതാക്കള്‍ക്കെതിരെ നിയമനടപടിയും തുടങ്ങി. 

50 വ്യാജ മരുന്നുകള്‍ നിരോധിച്ചുവെന്ന് അടുത്തിടെയുണ്ടായ പ്രചാരണം തെറ്റാണെന്നും ഗുണനിലവാരമില്ലാത്ത മരുന്നുകളാണ് നിരോധിച്ചതെന്നും ഡ്രഗ്‌സ് കണ്‍ട്രോളർ രാജീവ് സിങ് രഘുവംശി മാധ്യമപ്രവർത്തകരോട് പറഞ്ഞു. ഓരോ മാസവും 2000 സാമ്പിളുകള്‍ പരിശോധിക്കുന്നുണ്ടെന്ന് അദ്ദേഹം പറഞ്ഞു.