![വാഴക്കുലയിലെ തേന് കുടിക്കരുത്, താഴെ വീണ പഴങ്ങൾ കൈ കൊണ്ട് തൊടരുത്; നിപയെ ഒന്നിച്ച് പ്രതിരോധിക്കാമെന്ന് മുഖ്യമന്ത്രി പിണറായി വിജയൻ](public/uploads/2024-07-21/capture_1721583415.jpg)
വാഴക്കുലയിലെ തേന് കുടിക്കരുത്, താഴെ വീണ പഴങ്ങൾ കൈ കൊണ്ട് തൊടരുത്; നിപയെ ഒന്നിച്ച് പ്രതിരോധിക്കാമെന്ന് മുഖ്യമന്ത്രി പിണറായി വിജയൻ
തിരുവനന്തപുരം: സംസ്ഥാനത്ത് നിപ പ്രതിരോധ പ്രവർത്തനങ്ങൾ ശക്തമാക്കിയതായി മുഖ്യമന്ത്രി പിണറായി വിജയൻ.
മലപ്പുറത്ത് നിപ ബാധിച്ച് മരണമടഞ്ഞ കുട്ടിയുടെ ജീവൻ രക്ഷിക്കാൻ സാധ്യമായ എല്ലാ ശ്രമങ്ങളും നടത്തിയിരുന്നു.
കുടുംബത്തിന്റെ ദു:ഖത്തില് പങ്കുചേരുന്നതായും മുഖ്യമന്ത്രി ഫേസ്ബുക്കിൽ കുറിച്ചു.
നിപ വൈറസ് സംശയിച്ച സാഹചര്യത്തില് ആരോഗ്യ വകുപ്പ് മന്ത്രിയുടെ നേതൃത്വത്തില് യോഗം ചേര്ന്ന് പ്രതിരോധ പ്രവര്ത്തനങ്ങള് ശക്തമാക്കിയിരുന്നു. മന്ത്രിവീണാ ജോർജ് മലപ്പുറത്തെത്തി പ്രവര്ത്തനങ്ങള് ഏകോപിപ്പിച്ചു കൊണ്ടിരിക്കുകയാണ്.
നിപ നിയന്ത്രണത്തിനായി നിപ മാർഗനിര്ദ്ദേശങ്ങള്ക്ക് അനുസൃതമായി 25 കമ്മിറ്റികള് മണിക്കൂറുകള്ക്കുള്ളില് രൂപീകരിച്ചു.
നിപ പ്രതിരോധത്തിന് ഒരുമിച്ച് പ്രവര്ത്തിക്കാം.
വവ്വാലുകളുടെ ആവാസ വ്യവസ്ഥ നശിപ്പിക്കരുത്,
മറ്റേതെങ്കിലും ജീവികള് കടിച്ചതോ ഉപേക്ഷിക്കപ്പെട്ടതോ ആയ പഴങ്ങള് കഴിക്കരുത്, വാഴക്കുലയിലെ തേന് കുടിക്കരുത്,
വവ്വാലുകളെയോ അവയുടെ വിസര്ജ്യമോ അവ കടിച്ച വസ്തുക്കളോ സ്പര്ശിക്കുന്ന സാഹചര്യം ഉണ്ടായാല് കൈകള് സോപ്പ് ഉപയോഗിച്ച് കഴുകുകയോ സാനിട്ടൈസര് ഉപയോഗിച്ച് വൃത്തിയാക്കുകയോ ചെയ്യുക. ഏതെങ്കിലും തരത്തില് സംശയമുള്ളവര് നിപ കണ്ടോള് റൂമിലേക്ക് വിളിക്കണം.
കണ്ട്രോള് റൂം നമ്പറുകള്:
0483-2732010
0483-2732050
0483-2732060
0483-2732090
![](public/images/mediaface-ml.jpg)
വാർത്തകൾ പ്രസിദ്ധീകരിക്കാൻ
8714910399വാർത്തകളും വിശേഷങ്ങളും മുടങ്ങാതെ ലഭിക്കാൻ വാട്സ്ആപ്പ് ഗ്രൂപ്പിൽ അംഗം ആവുക
Join WhatsApp Group