സ്വന്തം മൂത്രം കുടിച്ചാലുള്ള ഗുണങ്ങൾ : അഡ്വ:ടി.നാരായണൻ വട്ടോളി

ശരീരത്തിലുണ്ടാകുന്ന പരുക്കുകൾക്കും രോഗങ്ങൾക്കും ശരീരത്തിൽ തന്നെ ഉൽപ്പാദിപ്പിക്കുന്ന ഔഷധമാണ് മൂത്രം എന്ന തിരിച്ചറിവ് സമൂഹത്തിൽ സൃഷ്ടിക്കുവാൻ സാധിച്ചാൽ യാതൊരു സാമ്പത്തികബാദ്ധ്യതകളും പാർശ്വഫലങ്ങളുമില്ലാതെ തന്നെ മിക്ക രോഗങ്ങളും ചികിത്സിച്ചു ഭേദമാക്കുവാൻ സാധിക്കുമെന്നതിന് നിരവധി അനുഭവസാക്ഷ്യങ്ങൾ നാട്ടിലെമ്പാടുമുണ്ടെന്ന് അഡ്വ:ടി.നാരായണൻ വട്ടോളി പറഞ്ഞു.

 മാതൃഭൂമി ബുക്സ് പ്രസിദ്ധീകരിച്ച യൂറിൻതെറാപ്പി എന്ന പുസ്തകത്തിന്റെ ഗ്രന്ഥകർത്താവാണ് അദ്ദേഹം.മഹാത്മ ദേശസേവ എഡ്യുക്കേഷണൽ & ചാരിറ്റബിൾ ട്രസ്റ്റ് കരിമ്പനപ്പാലം ജൈവകലവറയിൽ സംഘടിപ്പിച്ച മുത്തശ്ശിവൈദ്യം പഠനക്ളാസ്സിന്റെ സമാപനത്തിന്റെ ഭാഗമായി പ്രസംഗിക്കുകയായിരുന്നു അദ്ദേഹം. ഇന്നലെയും ഇന്നുമായി കെ.തങ്കച്ചൻവൈദ്യർ, എം.വി.ജനാർദ്ദനൻ വൈദ്യർ, മടിക്കൈകുമാരൻ വൈദ്യർ തുടങ്ങിയവർ ക്ളാസെടുത്തു.