ചെവിവേദന വന്നാൽ ചില വീട്ടുവൈദ്യങ്ങൾ

വെളുത്തുള്ളി

ചെവി വേദനയെ നേരിടാൻ സഹായിക്കുന്ന ലളിതമായ ഒരു ഒറ്റമൂലി ആണ് വെളുത്തുള്ളി. രണ്ട് അല്ലി വെളുത്തുള്ളി ചതച്ചതും രണ്ട് ടീസ്പൂൺ കടുകെണ്ണയും ഒരുമിച്ച് ചേർത്ത് യോജിപ്പിക്കുക. വെളുത്തുള്ളി ചെറുതായി കറുക്കുന്നതുവരെ ഈ മിശ്രിതം ചൂടാക്കുക. ഇത് തണുക്കാൻ

അനുവദിക്കുക, തുടർന്ന് വേദന ബാധിച്ച ചെവിയിൽ ഇതിന്റെ കുറച്ച് തുള്ളികൾ പ്രയോഗിക്കുക. വെളുത്തുള്ളിയുടെ വേദനസംഹാരിയായ ഗുണങ്ങൾ ചെവിയുടെ വേദന ഒഴിവാക്കാൻ സഹായിക്കുന്നു. കടുകെണ്ണയ്ക്ക് പകരം ചതച്ച വെളുത്തുള്ളി എള്ളെണ്ണയിൽ ഇട്ട് ചൂടാക്കിയും നിങ്ങൾക്ക് ഈ മിശ്രിതം തയ്യാറാക്കാവുന്നതാണ്. ഇത് ചെവി വേദനയിൽ നിന്ന് നിങ്ങൾക്ക് തൽക്ഷണ ആശ്വാസം നൽകുന്നു.

തുളസി ഇലയുടെ നീര്

ചെവിവേദന ഇല്ലാതാക്കാൻ സഹായിക്കുന്ന മറ്റൊരു പ്രകൃതിദത്ത ചികിത്സ, കുറച്ച് തുളസിയിലകൾ ചതച്ച് അതിന്റെ നീര് ഉപയോഗിച്ച് രോഗം ബാധിച്ച ചെവിക്ക് ചികിത്സ നൽകുക എന്നതാണ്. ഉപയോഗിക്കുന്നതിന് മുമ്പ് തുളസി നീര് അരിച്ചെടുക്കുക. ഇതിലേക്ക് കുറച്ച് വെളിച്ചെണ്ണ ചേർത്താൽ കൂടുതൽ ഫലപ്രദമാക്കാം. മറ്റാരുടെയെങ്കിലും

കൃത്യമായ മേൽനോട്ടത്തിൽ നിങ്ങൾ ഇത് പതിവായി ഉപയോഗിക്കുന്നുവെന്ന് ഉറപ്പാക്കുക. ആയുർവേദത്തിലെ മരുന്നുകളിൽ തുളസി പരമ്പരാഗതമായി ഉപയോഗിച്ചുവരുന്ന ഒരു പ്രധാന ചേരുവയാണ്. ചെവിയിലെ ചെറിയ അണുബാധകൾക്കും വേദനകൾക്കുമുള്ള ഏറ്റവും മികച്ച മരുന്നുകളിലൊന്നാണ് ഇത്.

കടുകെണ്ണ

കടുകെണ്ണ ചെവിയിലെ വാക്സ് നീക്കം ചെയ്യുവാൻ സഹായിക്കുന്നു രണ്ടോ മൂന്നോ തുള്ളി കടുകെണ്ണ ഒരു ചെവിയിൽ ഒഴിച്ച് മറുവശത്തേക്ക് തല ചെരിച്ച് പിടിക്കുക. 10-15 മിനുട്ട് നേരം ഈ സ്ഥാനത്ത് തുടരുക, പക്ഷേ എണ്ണ ചെവിയുടെ അകത്തേക്ക് ഇറങ്ങി പോകാതിരിക്കാൻ ശ്രദ്ധിക്കുക. ശേഷം മറ്റേ ചെവിയിലും ഇങ്ങനെ

ആവർത്തിക്കുക. ഇയർ ബഡ്‌സ് ഉപയോഗിക്കുമ്പോൾ വാക്സ് ചെവിയുടെ അകത്തേക്ക് ഇറങ്ങി പോവുമ്പോൾ, പകരം ഈ എണ്ണ ഉപയോഗിക്കുന്നതിലൂടെ ചെവിയുടെ അകത്തുള്ള മെഴുക് പുറത്തേക്ക് എളുപ്പത്തിൽ എടുക്കാൻ കഴിയും.

ആപ്പിൾ സിഡർ വിനാഗിരി

ആപ്പിൾ സിഡർ വിനാഗിരി ചെവിയുടെ അകത്തെ പി.എച്ച് നില മാറ്റുകയും ബാക്ടീരിയകൾക്കും വൈറസുകൾക്കും അതിജീവിക്കാൻ കഴിയാത്ത അന്തരീക്ഷം സൃഷ്ടിക്കുകയും ചെയ്യുന്നുവെന്ന് കണ്ടെത്തിയിട്ടുണ്ട്. കുറച്ച് വിനാഗിരി ചൂടാക്കി വേദന ബാധിച്ച ചെവിയിൽ

കോട്ടൺ പഞ്ഞി ഉപയോഗിച്ച് പുരട്ടുക. വിനാഗിരി ചെവിയിലേക്ക് ഇറങ്ങിച്ചെല്ലട്ടെ. രാസവസ്തുക്കളോ മായങ്ങളോ ഒഴിവാക്കാൻ പ്രകൃതിദത്തമായി തയ്യാറാക്കിയ ആപ്പിൾ സിഡർ വിനാഗിരി ഉപയോഗിക്കുന്നതാണ് നല്ലത്. നിങ്ങൾ ഇത് വെള്ളത്തിൽ അൽപം ലയിപ്പിച്ച ശേഷം കോട്ടൺ പഞ്ഞി ഈ ദ്രാവകത്തിൽ മുക്കിവയ്ക്കുക. ചെവിയിൽ ഈ പഞ്ഞി തിരുകിവച്ച് ഏകദേശം 5 മിനിറ്റ് നേരം വയ്ക്കുക. ആപ്പിൾ സിഡർ വിനാഗിരി അവയുടെ ആൻറി ബാക്ടീരിയൽ, ആന്റിഫംഗൽ സ്വഭാവങ്ങൾക്ക് പേരുകേട്ടതാണ്.

ഉപ്പ്

വിശ്വസിച്ചാലും ഇല്ലെങ്കിലും ഉപ്പിന് ചെവി വേദന കുറയ്ക്കുന്നതിൽ അത്ഭുതങ്ങൾ ചെയ്യാൻ കഴിയും. കുറഞ്ഞ തീയിൽ ഉപ്പ് കുറച്ച് ചൂടാക്കി ഒരു കോട്ടൺ പഞ്ഞി ഈ ചൂടുള്ള ഉപ്പ് ഉപയോഗിച്ച് മൂടുക. ഏകദേശം 10 മിനിറ്റ് നേരം ഉപ്പുള്ള ഈ പഞ്ഞി നിങ്ങളുടെ ചെവിയിൽ വയ്ക്കുക.

ഉപ്പ് ചെവിയിൽ നിന്ന് അഴുക്കും മെഴുക്കും പുറത്തെടുക്കുകയും വീക്കം കുറയ്ക്കുകയും ചെയ്യുന്നു. നിങ്ങളുടെ ചെവിയുടെ ഉള്ളിലെ വീക്കം, വേദന എന്നിവ കുറയ്ക്കുന്നതിനും കടൽ ഉപ്പ് സഹായിക്കുന്നു. ഒരിക്കലും നിങ്ങളുടെ ചെവിയിൽ ഉപ്പ് വെള്ളം ഒഴിക്കരുത്. നിങ്ങളുടെ മൂക്കിലും ഇത് വേണമെങ്കിൽ തളിക്കാം. ഇത് ചിലപ്പോൾ ഗുരുതരമായ പ്രശ്‌നമുണ്ടാക്കാനിടയുള്ളതിനാൽ ഒരാളുടെ മേൽനോട്ടത്തിൽ ഈ പ്രക്രിയ ചെയ്യുന്നു എന്നത് ഉറപ്പാക്കുക.

മേല്പറഞ്ഞ ഒറ്റമൂലികളുടെ ഉപയോഗത്തെക്കുറിച്ച് ശാസ്ത്രീയമായ തെളിവുകളൊന്നും ഇല്ലെങ്കിലും, അനാവശ്യമായി ഗുളികകൾ കഴിക്കുവാൻ തീരുമാനിക്കുന്നതിന് മുമ്പ് നമ്മുടെ അമ്മമാരും മുത്തശ്ശിമാരും എല്ലായ്പ്പോഴും പരീക്ഷിച്ച് വിജയിച്ച ഈ പ്രകൃതിദത്ത ചികിത്സകൾ ഒന്ന് പരീക്ഷിച്ചു നോക്കൂ...

News courtesy : Santhigram

കല ,സാഹിത്യം ,ആത്മീയം .ബിസിനസ്സ് ,വിദ്യാഭ്യാസം ,സയൻസ് & ടെക്‌നോളജി ,ആരോഗ്യം , വിനോദം തുടങ്ങിയ വിഷയങ്ങൾക്കൊപ്പം വാർത്തകളും വിശേഷങ്ങളും പതിവായി ....മുടങ്ങാതെ ഓൺലൈനിൽ

വാർത്താ ഗ്രൂപ്പിലേയ്ക്ക് താങ്കളെ സ്വാഗതം ചെയ്യുന്നു.

താഴെ കൊടുത്ത ലിങ്കിൽ ക്ളിക് ചെയ്‌ത്‌ ജോയിൻ ചെയ്‌താലും .

https://chat.whatsapp.com/KqSXoUHr3379ho11fvP7FU