മീൻ വാങ്ങുമ്പോൾ വില മാത്രമല്ല, സുരക്ഷയും നോക്കണം; മൈക്രോപ്ലാസ്റ്റിക് ഭീഷണിയിൽ ജാഗ്രത വേണം

 “ശുദ്ധമായ ഭക്ഷണം ജന്മാവകാശം” ; ഭക്ഷ്യശ്രീ ബഹുജന സംഘടന

ജലാശയങ്ങളിലെ പ്ലാസ്റ്റിക് മലിനീകരണം ഭക്ഷ്യസുരക്ഷയ്ക്കും വെല്ലുവിളി !

 മാർക്കറ്റിൽ മുന്നിൽ കാണുന്ന മീൻ വിലപേശി വാങ്ങുമ്പോൾ വിലയ്ക്കൊ പ്പം ഗുണനിലവാരവും ശുചിത്വവും കൂടി പരിഗണിക്കണം. കടലിലും പുഴക ളിലും കായലുകളിലും വ്യാപിക്കുന്ന പ്ലാസ്റ്റിക് മലിനീകരണം ഭക്ഷ്യശൃംഖ ലയിലേക്കും കടന്നെത്തുന്നത് ഗൗരവത്തോടെ കാണേണ്ട വിഷയമാണ്. മത്സ്യഭക്ഷണം ജീവിതത്തിന്റെ ഭാഗമായ കേരളീയ സമൂഹത്തിൽ ഇതേ ക്കുറിച്ചുള്ള ബോധവൽക്കരണം അനിവാര്യമാണെന്ന് ഭക്ഷ്യസുരക്ഷാ ബോധവൽക്കരണ രംഗത്ത് പ്രവർത്തിക്കുന്ന ഭക്ഷ്യശ്രീ സംഘടന ചൂണ്ടിക്കാട്ടുന്നു.

കടലിലെയും ജലാശയങ്ങളിലെയും പ്ലാസ്റ്റിക് മലിനീകരണം നമ്മുടെ തീൻ മേശകളിലേക്കും എത്തിച്ചേർന്നിരിക്കുന്നു. പൂനെ എം.ഐ.ടി വേൾഡ് പീസ് യൂണിവേഴ്‌സിറ്റിയുടെ പഠനം വ്യക്തമാക്കുന്നത്, സാധാരണക്കാർ ഏറെ ഇഷ്ടപ്പെട്ട് കഴിക്കുന്ന റോഹു, തിലാപ്പിയ തുടങ്ങിയ ശുദ്ധജല മത്സ്യങ്ങളിൽ പോലും മൈക്രോപ്ലാസ്റ്റിക് (പ്ലാസ്റ്റിക് സൂക്ഷ്മകണികൾ) വലിയ തോതിൽ അടിഞ്ഞുകൂടുന്നുണ്ടെന്നാണ്. കേരളം പോലെ മത്സ്യത്തെ മുഖ്യ ആഹാര മായി കാണുന്ന ഒരു സമൂഹത്തിന് ഇത് അതീവ ഗൗരവമുള്ളൊരു മുന്നറി യിപ്പാണ്. കണക്കുകൾ പ്രകാരം, ആഴ്ചയിൽ രണ്ടുതവണ മത്സ്യം കഴിക്കുന്ന ഒരാളുടെ ശരീരത്തിൽ 50 വർഷത്തിനിടെ ലക്ഷക്കണക്കിന് പ്ലാസ്റ്റിക് കണികകൾ എത്തിച്ചേരാൻ സാധ്യതയുണ്ടെന്ന് വിദഗ്ധർ സമ്മതിക്കുന്നു .

വേമ്പനാട് കായൽ അടക്കമുള്ള നമ്മുടെ പ്രധാന ജലാശയങ്ങളും കായലു കളും ഇന്ന് പ്ലാസ്റ്റിക് മാലിന്യങ്ങളുടെ കൂമ്പാരമായി മാറുകയാണ്. കായലിന്റെ ആഴവും വിസ്തൃതിയും കുറയുന്നതും, ഒഴുക്കിലുണ്ടായ തടസ്സ ങ്ങളും ഈ പ്രശ്നത്തിന്റെ വ്യാപ്തി വർദ്ധിപ്പിക്കുന്നതായാണ് വാർത്തകൾ സാക്ഷ്യപ്പെടുത്തുന്നത് .

മൈക്രോപ്ലാസ്റ്റിക് ശരീരത്തിലുണ്ടാക്കുന്ന മഹാവിപത്തുകൾ

നമ്മുടെ ശരീരത്തിനുള്ളിൽ എത്തുന്ന ഈ അതിസൂക്ഷ്മ പ്ലാസ്റ്റിക് കണികകൾ ആരോഗ്യത്തിന് ഗുരുതരമായ പ്രത്യാഘാതങ്ങളാണ് സൃഷ്ടിക്കുന്നത്:

പൂനെയിലെ എം.ഐ.ടി. വേൾഡ് പീസ് യൂണിവേഴ്‌സിറ്റിയുടെ പഠനത്തിൽ റോഹു, തിലാപ്പിയ തുടങ്ങിയ ശുദ്ധജല മത്സ്യങ്ങളിൽ മൈക്രോപ്ലാസ്റ്റിക് സാന്നിധ്യം കണ്ടെത്തിയതായി റിപ്പോർട്ടുകളുണ്ട്. പ്ലാസ്റ്റിക് മാലിന്യങ്ങൾ വിഘടിച്ചുണ്ടാകുന്ന സൂക്ഷ്മകണികകൾ ജലജീവികളിലെത്തുന്നത് പരിസ്ഥി തിക്കും ഭക്ഷ്യശൃംഖലയ്ക്കും ഉയർത്തുന്ന വെല്ലുവിളികൾ കൂടുതൽ പഠനങ്ങൾക്ക് വിധേയമാകേണ്ടതുണ്ട്. എന്നാൽ ഇത്തരം കണ്ടെത്ത ലുകളുടെ അടിസ്ഥാനത്തിൽ എല്ലാ മത്സ്യങ്ങളും മലിനമാ ണെന്നോ മത്സ്യഭക്ഷണം ഗുരുതരമായ ആരോഗ്യപ്രശ്നങ്ങൾക്ക് കാരണമാകുമെന്നോ നിഗമനം ചെയ്യാനാവില്ല.

ഭീതിയല്ല, ശാസ്ത്രീയ ജാഗ്രതയാണ് വേണ്ടത്

മനുഷ്യശരീരത്തിൽ മൈക്രോപ്ലാസ്റ്റിക് എത്തുന്നതും അതിന്റെ ദീർഘകാല ആരോഗ്യപ്രത്യാഘാതങ്ങളും സംബന്ധിച്ച് ശാസ്ത്രീയ പഠനങ്ങൾ തുടരുകയാണ്. കോശങ്ങളുടെ പ്രവർത്തനം, ഹോർമോൺ വ്യവസ്ഥ തുടങ്ങിയവയുമായുള്ള സാധ്യതാപരമായ ബന്ധങ്ങൾ ഗവേഷണവിധേയമാണ്. അതിനാൽ കാൻസറുൾപ്പെടെയുള്ള രോഗങ്ങൾ മത്സ്യഭക്ഷണം മൂലം ഉറപ്പായും ഉണ്ടാകുമെന്ന് പ്രചരിപ്പിക്കുന്നത് ഉചിതമല്ല. അതേസമയം, ആരോഗ്യപരമായ എല്ലാ സംശയങ്ങളും പൂർണമായി പരിഹരിക്കപ്പെട്ടിട്ടില്ലെന്ന കാരണത്താൽ മലിനീകരണഭീഷണിയെ അവഗണിക്കാനും പാടില്ല.

ഉപഭോക്താവ് ശ്രദ്ധിക്കണം; അധികൃതർ

ഉത്തരവാദിത്വം നിറവേറ്റണം

മത്സ്യം വാങ്ങുമ്പോൾ വിശ്വസനീയമായ വിൽപ്പനക്കാരെ തിരഞ്ഞെടു ക്കുക, കേടായതിന്റെ ലക്ഷണങ്ങളുള്ള മത്സ്യം ഒഴിവാക്കുക, പാചകത്തിന് മുമ്പ് ആന്തരികാവയവങ്ങളും ചെകിളകളും നീക്കി വൃത്തിയാക്കുക, മത്സ്യം ആവശ്യത്തിന് വേവിക്കുക എന്നിവ ഭക്ഷ്യസുരക്ഷയുടെ അടിസ്ഥാ ന മുൻകരുതലുകളാണ്. എന്നാൽ പുറമേ കാണുന്ന പുതുമകൊണ്ട് മാത്രം മൈക്രോപ്ലാസ്റ്റിക് സാന്നിധ്യം തിരിച്ചറിയാനാവില്ല. സാധാരണ കഴുകലിലൂ ടെയോ പാചകത്തിലൂടെയോ ഇത്തരം കണികകൾ പൂർണമായി നീക്കം ചെയ്യാമെന്നും കരുതരുത്.

ഇതോടൊപ്പം, ജലാശയങ്ങളിലേക്ക് പ്ലാസ്റ്റിക് മാലിന്യങ്ങൾ തള്ളുന്നത് തടയാനും മത്സ്യവിപണികളിലെ ശുചിത്വം ഉറപ്പാക്കാനും ഭക്ഷ്യസുരക്ഷാ പരിശോധനകൾ ശക്തമാക്കാനും അധികൃതർ നടപടി സ്വീകരിക്കണം. മാലിന്യസംസ്കരണത്തിലെ വീഴ്ചകളുടെ ഭാരം ഉപഭോക്താക്കളുടെ മാത്രം ഉത്തരവാദിത്വമായി മാറ്റാനാവില്ല. സുരക്ഷിതമായ ഭക്ഷണം ലഭ്യമാക്കുന്നതിൽ ഭരണസംവിധാനത്തിനും വ്യാപാരികൾക്കും സമൂഹത്തിനും ഒരുപോലെ പങ്കുണ്ട്.

മൈക്രോപ്ലാസ്റ്റിക് സംബന്ധിച്ച ആശങ്കയുടെ പേരിൽ മത്സ്യഭക്ഷണം പൂർണമായി ഒഴിവാക്കുകയല്ല വേണ്ടത്. മലിനീകരണത്തിന്റെ ഉറവിടങ്ങൾ നിയന്ത്രിക്കുകയും ഭക്ഷ്യസുരക്ഷാ സംവിധാനങ്ങൾ ശക്തിപ്പെടുത്തുകയും പൊതുജനങ്ങൾക്ക് വിശ്വസനീയമായ വിവരങ്ങൾ ലഭ്യമാക്കുകയും ചെയ്യുകയാണ് പ്രധാനം. വിലകുറഞ്ഞ ഭക്ഷണം തേടുന്ന സാധാരണക്കാരന് സുരക്ഷിതമായ ഭക്ഷണം തിരഞ്ഞെടുക്കാനുള്ള സാഹചര്യവും ഉറപ്പാക്കണം.

“ശുദ്ധമായ ഭക്ഷണം ജന്മാവകാശം” എന്നതാണ് വടകര കേന്ദ്രമായി പ്രവർത്തിക്കുന്ന 'ഭക്ഷ്യശ്രീ' ബഹുജന സംഘടനാ മുന്നോട്ടുവയ്ക്കുന്ന സന്ദേശം. ഭക്ഷണം സുരക്ഷിതമാണെന്ന് ഉറപ്പാക്കാൻ കഴിയുന്ന സംവിധാനങ്ങൾ സൃഷ്ടിക്കുക എന്നത് പൊതുനന്മയുമായി ബന്ധപ്പെട്ട ഉത്തരവാദിത്വമാണ്. ഭീതിയല്ല, അറിവും ജാഗ്രതയും ഉത്തരവാദിത്വമുള്ള ഇടപെടലുകളുമാണ് ആരോഗ്യകരമായ സമൂഹത്തിന് ആവശ്യം.

: ദിവാകരൻ ചോമ്പാല

(സംസ്ഥാനകോർഡിനേറ്റർ

ഭക്ഷ്യശ്രീ ബഹുജന സംഘടന )