ജനങ്ങൾക്ക് ശുദ്ധമായ ഭക്ഷണം ലഭ്യമാക്കാൻ സർക്കാർ ഇടപെടണം. :ഡോ:കെ.കെ.എൻ.കുറുപ്പ്

വടകര കേന്ദ്രമായി പ്രവർത്തിക്കുന്ന 'ഭക്ഷ്യശ്രീ' ബഹുജനസംഘടന യുടെ കോഴിക്കോട് ജില്ലാസമിതി രൂപീകരണ കൺവെൻഷൻ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.കോഴിക്കോട് സ്റ്റേഡിയം ജംഗ്ഷനിലുള്ള ഗുരുകുലം ആർട് ഗാലറിയിൽ നടന്ന കൺവെൻഷനിൽ ഭക്ഷ്യശ്രീ സംസ്ഥാന കോർഡിനേറ്റർ ദിവാകരൻ ചോമ്പാല അദ്ധ്യക്ഷം വഹിച്ചു.

നമ്മുടെ പൂർവ്വികർ മണ്ണറിഞ്ഞ് കൃഷി ചെയ്തിരുന്ന ഒരു കാലമുണ്ടാ യിരുന്നു. അന്ന് കൃഷി വെറുമൊരു തൊഴിലല്ല, മറിച്ച് ഒരു ജീവിത രീതിയായിരുന്നു. എന്നാൽ ഹരിതവിപ്ലവത്തിന്റെ വരവോടെ വിളവ് കൂട്ടാനായി നാം പ്രയോഗിച്ചു തുടങ്ങിയ രാസവളങ്ങളും കീടനാശി നികളും ഇന്ന് നമ്മുടെ മണ്ണിനെയും ആരോഗ്യത്തെയും ഒരുപോലെ തകർത്തിരിക്കുകയാണ്. ഈ സാഹചര്യത്തിൽ 'ജൈവകൃഷി' എന്നത് കേവലം ഒരു ഫാഷനല്ല, മറിച്ച് നമ്മുടെ നിലനിൽപ്പിന്റെ അനിവാര്യതയാണ് .ഡോ .കെ .കെ .എൻ .കുറുപ്പ് പ്രസ്‌താവിച്ചു 

'രാസവളങ്ങൾ ചെടികൾക്ക് പെട്ടെന്ന് വളരാൻ ആവശ്യമായ പോഷകങ്ങൾ നൽകുമെങ്കിലും ദീർഘകാലാടിസ്ഥാനത്തിൽ അവ മാരകമായ ദോഷഫലങ്ങളാണ് ഉണ്ടാക്കുന്നത്. രാസവസ്തുക്കളുടെ അമിത ഉപയോഗം മണ്ണിന്റെ സ്വാഭാവിക ഘടനയെ നശിപ്പിക്കുകയും മണ്ണിലെ ഉപകാരികളായ സൂക്ഷ്മജീവികളെയും മണ്ണീരകളെയും ഇല്ലാതാക്കി മണ്ണിന്റെ ഫലഭൂയിഷ്ഠത നശിപ്പിക്കുകയും ചെയ്യുന്നു. രാസകീടനാശിനികൾ കലർന്ന ആഹാരം കഴിക്കുന്നത് വഴി ക്യാൻസർ, വൃക്കരോഗങ്ങൾ തുടങ്ങിയ ഗുരുതരമായ ആരോഗ്യപ്രശ്നങ്ങൾ ഇന്ന് സമൂഹത്തിൽ വർദ്ധിച്ചു വരികയാണ് 'ഭക്ഷ്യശ്രീ  ബഹുജന സംഘട നയുടെ ജനറൽ സെക്രട്ടറി ടി.ശ്രീനിവാസൻ തന്റെ പ്രസംഗത്തിൽ വ്യക്തമാക്കി

സ്റ്റേറ്റ് ഓർഗനൈസർ ഡോ: കെ.വി. മുഹമ്മദ് കുഞ്ഞ് 'ശുദ്ധമായ ഭക്ഷണം ജന്മാവകാശം' എന്നവിഷയവും ,പ്രൊഫ:വർഗീസ് മാത്യു സംഘടനാ രൂപരേഖയും അവതരിപ്പിച്ചു. ലക്ഷദ്വീപിലെ പ്രമുഖ ചരിത്ര ഗ്രന്ഥകാരനായ ഡോ:മുല്ലക്കോയ ചടങ്ങിൽ മുഖ്യാഥിതിയായി പങ്കെടുത്തു സംസാരിച്ചു.

സംസ്ഥാന ഭാരവാഹികളായ രവീന്ദ്രൻ കൊടക്കാട് (കാസർകോട്) സത്യൻ മാടാക്കര(വടകര) ദിനേശൻ.വി.എ (കണ്ണൂർ) ടി.പി.ഫാത്തിമ ടീച്ചർ (കൊണ്ടോട്ടി) എന്നിവർ കൺവെൻഷനെ അഭിസംബോധന ചെയ്തു പ്രസംഗിച്ചു.എം.അനിൽകുമാർ ഗുരുക്കൾ നന്ദി പറഞ്ഞു.

ഭരാവാഹികളായി ഷിജി.വി.(പ്രസിഡന്റ്) ,പത്മനാഭൻ കണ്ണമ്പ്രത്ത് . പി.കെ. രാജൻ മാസ്റ്റർ,സുഹറാബി വൈദ്യർ (വൈസ് പ്രസിഡന്റുമാർ).ഡോ: പത്മനാഭൻ ഊരാളുങ്കൽ (ജനറൽ സെക്രട്ടറി)എം.അനിൽകുമാർ ഗുരുക്കൾ,എൻ.കെ.അജിത് കുമാർപി.കെ.ബിദുൻ (സെക്രട്ടറിമാർ)

പി.കെ.പ്രകാശൻ മുക്കാളി (ട്രഷറർ) എന്നിവരെ തിരഞ്ഞെടുത്തു.