നട്ടെല്ല്, സന്ധിവേദനകൾക്ക് ഔഷധരഹിത മർമ്മചികിത്സ; വടകരയിൽ ഭാരതീയ മർമ്മ ചികിത്സാ ക്യാമ്പ്

വടകര: നട്ടെല്ല്, കൈകാലുകൾ, വിവിധ സന്ധികൾ എന്നിവയുമായി ബന്ധപ്പെട്ട വേദനകളും ചലനപരിമിതികളും നേരിടുന്നവർക്ക് ഭാരതീയ മർമ്മചികിത്സയെ പരിചയപ്പെടുത്തുന്നതിനായി വടകര കേന്ദ്രമായി പ്രവർത്തിക്കുന്ന സമുദ്ര ആയുർവേദ ഗവേഷണ കേന്ദ്രത്തിൽ പ്രത്യേക മർമ്മചികിത്സാ ക്യാമ്പ് സംഘടിപ്പിക്കുന്നു.

2026 സെപ്റ്റംബർ 12,13തീയതികളിലാണ് ക്യാമ്പ്.

നട്ടെല്ലിലെ കശേരുക്കളുടെ സ്ഥാനവ്യതിയാനം, തേയ്മാനം മൂലമുണ്ടാകുന്ന കൈകാലുകളിലെയും മുട്ടുകളിലെയും വേദന, നടുവേദന, വിവിധ സന്ധിവേദനകൾ തുടങ്ങിയ പ്രശ്നങ്ങൾക്ക് ഔഷധരഹിത മർമ്മചികിത്സാ രീതിയിലൂടെ പരിഹാരം തേടുന്നവർക്കായാണ് ക്യാമ്പ് സംഘടിപ്പിക്കുന്നത്.

കഴുത്ത് വേദന, കൈ ഉയർത്താൻ ബുദ്ധിമുട്ട്, കൈമുട്ടിലെ ടെന്നിസ് എൽബോ, ഇടുപ്പ് വേദന, കാൽക്കുഴ വേദന തുടങ്ങിയ വിവിധ ശാരീരിക അസ്വസ്ഥതകൾ അനുഭവിക്കുന്നവർക്കും ക്യാമ്പിൽ പരിശോധനയും മർമ്മചികിത്സയെക്കുറിച്ചുള്ള വിദഗ്ധ നിർദേശങ്ങളും ലഭ്യമാക്കുമെന്ന് സംഘാടകർ അറിയിച്ചു.

കാലങ്ങളായി തുടരുന്ന വേദനകൾക്ക് ആശ്വാസം തേടുന്നവരിൽ ഔഷധരഹിത ചികിത്സാ രീതികളോടുള്ള താൽപര്യം വർധിച്ചുവരുന്ന സാഹചര്യത്തിലാണ് ഭാരതീയ മർമ്മചികിത്സാ ക്യാമ്പ് സംഘടിപ്പിക്കുന്നതെന്ന് സമുദ്ര ആയുർവേദ ഗവേഷണ കേന്ദ്രം ചെയർമാൻ ടി. ശ്രീനിവാസൻ പറഞ്ഞു.

ഭാരതീയ മർമ്മചികിത്സയുടെ ഭാഗമായ ഔഷധരഹിത മർമ്മചികിത്സയ്ക്ക് ദീർഘകാലമായി തുടരുന്ന ചില വേദനകളും ചലനപരിമിതികളും കൈകാര്യം ചെയ്യുന്നതിൽ പ്രത്യേകതയുണ്ടെന്നാണ് ചികിത്സാ അധികൃതർ വ്യക്തമാക്കുന്നതെന്നും അദ്ദേഹം പറഞ്ഞു. ഓരോ രോഗിയുടെയും ആരോഗ്യസ്ഥിതിയും പ്രശ്നത്തിന്റെ സ്വഭാവവും വിലയിരുത്തിയ ശേഷമായിരിക്കും ചികിത്സ സംബന്ധിച്ച നിർദേശം നൽകുക.

ക്യാമ്പിൽ മുൻകൂട്ടി രജിസ്റ്റർ ചെയ്യുന്നവർക്ക് മാത്രമാണ്