കർക്കിടക ആരോഗ്യപരിപാലനം: വടകര ജൈവകലവറയിൽ പ്രത്യേക വിപണനവും മരുന്നുകഞ്ഞിയും

വടകര:കർക്കിടകമാസത്തിലെപരമ്പരാഗതആരോഗ്യസംരക്ഷണത്തിനായി മഹാത്മാ ദേശ സേവ ട്രസ്റ്റിന്റെ കീഴിൽ വടകര കരിമ്പനപ്പാലത്തും മുനിസിപ്പൽ പാർക്കിന് സമീപവും പ്രവർത്തിക്കുന്ന ‘ജൈവകലവറ’യിൽ വിപുലമായ സൗകര്യങ്ങൾ ഒരുക്കുന്നു.

സമുദ്ര ആയുർവേദ ഗവേഷണ കേന്ദ്രത്തിന്റെ സാങ്കേതിക സഹകരണത്തോടെയാണ് കർക്കിടക മാസത്തിലെ സവിശേഷമായ ഭക്ഷണങ്ങളും ആയുർവേദ ഉത്പന്നങ്ങളും പൊതുജനങ്ങളിലേക്ക് എത്തിക്കുന്നത്. ശരീരപുഷ്ടിക്കും പ്രതിരോധശേഷി വർദ്ധിപ്പിക്കു ന്നതിനുമുള്ള കർക്കിടക ഉണ്ട, കർക്കിടകപ്പൊടി, പ്രത്യേക കർക്കിടക കിറ്റുകൾ എന്നിവ ജൈവകലവറയിൽ ലഭ്യമാണ്.

ഇതോടൊപ്പം ആരോഗ്യസംരക്ഷണത്തിന് ഉതകുന്ന നാഡിക്കഷായം, ബദാം ലേഹ്യം, പുരട്ടിക്കുളിക്കാനായി പ്രത്യേകം തയ്യാറാക്കിയ താമരണിതൈലം എന്നിവയും സമുദ്ര ആയുർവേദ ഗവേഷണ കേന്ദ്രത്തിന്റെ മേൽനോട്ടത്തിൽ ഇവിടെ ഒരുക്കിയിട്ടുണ്ട്. കർക്കിടക മാസത്തിൽ ഏറെ പ്രാധാന്യമുള്ള ‘കർക്കിടക മരുന്നുകഞ്ഞി’ കഴിക്കാൻ ആഗ്രഹിക്കു ന്നവർക്കായി ജൈവകലവറയിൽ പ്രത്യേക സൗകര്യമുണ്ട്.

മുൻകൂട്ടി ബുക്ക് ചെയ്യുന്ന ആളുകൾക്ക് അതനുസരിച്ച് മരുന്നുകഞ്ഞി തയ്യാറാക്കി നൽകുന്നതായിരിക്കും. കരിമ്പനപ്പാലം ഭജനമഠത്തിനു സമീപം പ്രവർത്തിക്കുന്ന സമുദ്ര ആയുർവേദ ഗവേഷണ കേന്ദ്രത്തിന്റെയും മഹാത്മാ ദേശ സേവ ട്രസ്റ്റിന്റെയും ഈ സംയുക്ത സംരംഭത്തെക്കുറിച്ചുള്ള കൂടുതൽ വിവരങ്ങൾക്കും ബുക്കിംഗിനും താഴെ പറയുന്ന നമ്പറുകളിൽ ബന്ധപ്പെടാവുന്നതാണ്: ഫോൺ: 9539157337, 8848900822, 9048772129