വടകര സമുദ്ര ആയുർവേദ ഗവേഷണ കേന്ദ്രത്തിൽ സൗജന്യ ഒറ്റമൂലി-മുദ്ര ചികിത്സാ ക്യാമ്പ്

വടകര: രോഗകാരണങ്ങൾ കണ്ടെത്തി മരുന്നുകളില്ലാതെ ആരോഗ്യപൂ ർണ്ണമായ ജീവിതം നയിക്കാൻ വഴികാട്ടിയായി വടകര സമുദ്ര ആയുർവേദ ഗവേഷണ കേന്ദ്രത്തിൽ സൗജന്യ ആരോഗ്യ ക്യാമ്പ് സംഘടിപ്പിക്കുന്നു. പാരമ്പര്യ നാട്ടുവൈദ്യ വിദഗ്ദ്ധ ശ്രീമതി പുഷ്പ കാനാട് നയിക്കുന്ന ക്യാമ്പ് മേയ് 31 ഞായറാഴ്ച നടക്കും.

വാർദ്ധക്യം ഒരു രോഗമല്ലെന്നും, ശരീരത്തെ സൂക്ഷ്മമായി നിരീക്ഷിച്ചാൽ വിട്ടുമാറാത്ത രോഗങ്ങളിൽ നിന്ന് പോലും മുക്തി നേടാമെന്നും പുഷ്പ കാനാട് പറയുന്നു. രോഗത്തെ മാത്രം ചികിത്സിക്കുന്നതിന് പകരം, രോഗിയുടെ മനസ്സ്, ശരീരം, വികാരം എന്നിവ സമഗ്രമായി പഠിച്ച് പഞ്ചഭൂതങ്ങളെയും പഞ്ചപ്രാണനെയും മുൻനിർത്തിയുള്ള ചികിത്സാ രീതിയാണിത്. അഞ്ച് പ്രാണിക് മുദ്രകളിലൂടെ ജീവശക്തിയുടെ വ്യതിചലനങ്ങൾ ക്രമപ്പെടുത്തി രോഗത്തെ വേരോടെ പിഴുതെറിയാൻ ഒറ്റമൂലി-മുദ്ര ചികിത്സയിലൂടെ സാധിക്കുമെന്നും അവർ വ്യക്തമാക്കുന്നു.

ഭാരത് സേവക് സമാജ് (BSS) നാഷണൽ അവാർഡ്, വേൾഡ് റീഹാബിലിറ്റേഷൻ ഓർഗനൈസേഷന്റെ ബെസ്റ്റ് ഡീഡ് ശ്രേഷ്ഠ സേവാരത്നം അവാർഡ് എന്നിവ നേടിയ വ്യക്തിയാണ് പുഷ്പ കാനാട്.

ക്യാമ്പ് വിവരങ്ങൾ:

• സമയം: രാവിലെ 10 മുതൽ ഉച്ചയ്ക്ക് 1 വരെ ക്ലാസും സംശയനിവാരണവും. ഉച്ചയ്ക്ക് ശേഷം 2 മുതൽ 4 വരെ ഒറ്റമൂലി, മുദ്ര ചികിത്സ.
• ഭക്ഷണം: തവിട് കളയാത്ത പോഷകസമൃദ്ധമായ അരി ഉപയോഗിച്ചുള്ള പൊതിച്ചോർ ക്യാമ്പിൽ ലഭ്യമാണ്. ആവശ്യമുള്ളവർ മുൻകൂട്ടി അറിയിക്കണം.

കൂടുതൽ വിവരങ്ങൾക്കും രജിസ്‌ട്രേഷനും താഴെ പറയുന്ന നമ്പറുകളിൽ ബന്ധപ്പെടുക: 9947233539, 8075260180 , 8848900822.

ചിത്രം :പുഷ്‌പ കാനാട്