ഗ്ലോക്കോമ വാരാചരണം

അമ്പലവയൽ: ആരോഗ്യവകുപ്പിൻ്റെയും ദേശീയ ആരോഗ്യദൗത്യത്തിൻ്റെയും നേതൃത്വത്തിൽ 'ഗ്ലോക്കോമമുക്ത ലോകത്തിനായി ഒരുമിക്കാം' എന്ന സന്ദേശവുമായി ലോക ഗ്ലോക്കോമ വാരാചരണം തുടങ്ങി. ജില്ലാതല ഉദ്ഘാടനവും നേത്രപരിശോധനാ ക്യാമ്പും അമ്പലവയൽ ഗ്രാമപ്പഞ്ചായത്ത് പ്രസിഡന്റ് എൻ.സി. കൃഷ്‌ണകുമാർ ഉദ്ഘാടനംചെയ്തു. നേത്രരോഗവിദഗ്ധരുടെ നേതൃത്വത്തിൽ തൊഴിലാളികൾക്കും പൊതുജനങ്ങൾക്കുമായി നേത്രപരിശോധനാക്യാമ്പ് നടത്തി. വാരാചരണത്തിൻ്റെ ഭാഗമായി ജില്ലയിൽ ബോധവത്കരണ നേത്രപരിശോധനാക്യാമ്പുകൾ നടത്തും. അമ്പലവയൽ ഗ്രാമപ്പഞ്ചായത്ത് സ്ഥിരംസമിതിയധ്യക്ഷൻ സിജി എൽദോ അധ്യക്ഷത വഹിച്ചു.

ജില്ലാ എൻ.പി.എൻ.സി.ഡി. നോഡൽ ഓഫീസർ ഡോ. കെ.ആർ. ദീപ. അമ്പലവയൽ മെഡിക്കൽ ഓഫീസർ ഡോ. സനൽകുമാർ, ഡോ. സന്ധ്യാ റാം, ഡോ. കെ.എം. ധന്യ, കെ.എം. മുസ്തഫ, പി.എം. ഫസൽ, ഡോ. സുദർശൻ റാവു, വി.കെ. രവി തുടങ്ങിയവർ സംസാരിച്ചു.