ഗർഭാശയഗള കാൻസർ പ്രതിരോധ വാക്‌സിനേഷൻ തുടങ്ങി

കൊല്ലം :ഗർഭാശയഗള കാൻസർ പ്രതിരോധ(എച്ച്.പി.വി.) വാക്സിനേഷൻ തുടങ്ങി. ജില്ലാതല ഉദ്ഘാടനം എം. നൗഷാദ് എം.എൽ.എ. വിക്ടോറിയ ആശുപത്രിയിൽ നിർവഹിച്ചു. പാപിലോമ വൈറസ്(എച്ച്.പി.വി.) വാക്‌സിനേഷനാണിത്. ചടങ്ങിൽ ജില്ലാപഞ്ചായത്ത് സ്ഥിരം സമിതി അധ്യക്ഷ ബി. ജയന്തി അധ്യക്ഷയായി. കോർപ്പറേഷൻ ഡെപ്യൂട്ടി മേയർ ഉദയാസുകുമാരൻ, ഡി.എം.ഒ. ഡോ. ഷീജ, ഡി.പി.എം. ഡോ. ദേവകിരൺ, ആർ.സി.എച്ച്. ഓഫീസർ ഡോ. ലിൻഡ ജോസഫ്, ആശുപത്രി സൂപ്രണ്ട് ഡോ. മാർട്ടിൻ, ആർ.എം.ഒ. ഡോ. ശരണ്യ തുടങ്ങിയവർ പങ്കെടുത്തു.