ആസ്‌പത്രികളിൽ ആവശ്യമായ ചികിത്സാസൗകര്യങ്ങൾ ഉണ്ടാകണം -ഐഎംഎ

കാസർകോട്: മെഡിക്കൽ കോളേജുകളിലും മെഡിക്കൽ കോളേജ് ആസ്പത്രികളിലും ആവശ്യമായ ചികിത്സാസൗകര്യങ്ങളും അടിസ്ഥാനസൗകര്യങ്ങളും ഉണ്ടായിരിക്കണമെന്ന് ഇന്ത്യൻ മെഡിക്കൽ അസോസിയേഷൻ സംസ്ഥാന പ്രസിഡൻ്റ് ഡോ. എം.എൻ. മേനോൻ ആവശ്യപ്പെട്ടു. ഐഎംഎ ജില്ലാ കൺവെൻഷൻ ഉദ്ഘാടനംചെയ്യുകയായിരുന്നു അദ്ദേഹം.

ഐഎംഎ ജില്ലാ ചെയർമാൻ ഡോ. സി.എച്ച്. ജനാർദന നായ്ക് അധ്യക്ഷനായി. സംസ്ഥാന സെക്രട്ടറി ഡോ. റോയ് ആർ. ചന്ദ്രൻ, നോർത്ത് സോൺ ജോ. സെക്രട്ടറി ഡോ. എം.എൻ. അരുൺ, ഡോ. സത്യജിത്ത്, ഡോ. വേണുഗോപാൽ, ഡോ. ബി. നാരായണ നായ്ക്‌ക്, ഡോ. ഡി.ജി. രമേഷ്, ഡോ. വി. സുരേഷൻ, ഡോ. രേഖ റൈ, ഡോ. ടി. കാസിം എന്നിവർ സംസാരിച്ചു.