ഭക്ഷ്യസുരക്ഷ: ജില്ലാതല വിജിലൻസ് കമ്മിറ്റി യോഗം ചേർന്നു

ഭക്ഷ്യസുരക്ഷ: ജില്ലാതല

വിജിലൻസ് കമ്മിറ്റി യോഗം ചേർന്നു

ജില്ലയിലെ പൊതുവിതരണ സംവിധാനത്തിലൂടെ നൽകുന്ന റേഷൻ ഭക്ഷ്യസാധനങ്ങൾ, അങ്കണവാടി പോഷകാഹാരം, സ്കൂൾ ഉച്ച ഭക്ഷണം എന്നിവയുടെ ലഭ്യത, ഗുണമേന്മ, വിതരണം തുടങ്ങിയവയുമായി ബന്ധപ്പെട്ട വിവിധ വിഷയങ്ങൾ ചർച്ച ചെയ്യുന്നതിന് ജില്ലാ സപ്ലൈ ഓഫീസിൻ്റെ നേതൃത്വത്തിൽ ജില്ലാതല വിജിലൻസ് കമ്മിറ്റി യോഗം ചേർന്നു. കളക്ടറേറ്റ് കോൺഫറൻസ് ഹാളിൽ ചേര്‍ന്ന യോഗത്തിൽ അഡീഷണൽ ജില്ലാ മജിസ്‌ട്രേറ്റ് ആശ സി എബ്രഹാം അധ്യക്ഷയായി. സംസ്ഥാന ഭക്ഷ്യ കമ്മീഷൻ അംഗം സബിത ബീഗം പങ്കെടുത്തു. നവംബർ ഒന്നിന് കേരളം അതിദാരിദ്ര്യമുക്ത സംസ്ഥാനമായി പ്രഖ്യാപിക്കുമ്പോൾ ഈ ലക്ഷ്യത്തിലേക്കെത്തുന്നതിൽ ഭക്ഷ്യ പൊതുവിതരണ വകുപ്പ് പ്രവർത്തനങ്ങളുടെ പ്രാധാന്യം യോഗത്തിൽ വിവരിച്ചു. ഭക്ഷ്യ സുരക്ഷ, ലീഗൽ മെട്രോളജി എന്നീ വകുപ്പുകൾ പ്രവർത്തന റിപ്പോർട്ട് അവതരിപ്പിച്ചു.