പത്മശ്രീ ഡോ. ഖാദർ വാലി ; "മില്ലറ്റ് മാൻ ഓഫ് ഇന്ത്യ" : ബിജു കാരക്കോണം

പത്മശ്രീ ഡോ. ഖാദർ വാലി ;

"മില്ലറ്റ് മാൻ ഓഫ് ഇന്ത്യ"

: ബിജു കാരക്കോണം

"മില്ലറ്റ് മാൻ ഓഫ് ഇന്ത്യ" എന്നറിയപ്പെടുന്ന പ്രശസ്തനായ ശാസ്ത്രജ്ഞനും പരിസ്ഥിതി പ്രവർത്തകനുമാണ് ഡോ. ഖാദർ വാലി. 

കർണാടകയിലെ മൈസൂരുവിൽ താമസിക്കുന്ന ഇദ്ദേഹം, ചെറുധാന്യങ്ങളുടെ (മില്ലറ്റുകൾ) പ്രാധാന്യത്തെക്കുറിച്ച് ജനങ്ങളിൽ അവബോധം സൃഷ്ടിക്കുന്നതിൽ വലിയ പങ്ക് വഹിച്ചിട്ടുണ്ട്. ചെറുധാന്യങ്ങളെ ഭക്ഷണത്തിന്റെ ഭാഗമാക്കുന്നതിലൂടെ പ്രമേഹം, അമിതവണ്ണം, രക്തസമ്മർദ്ദം തുടങ്ങിയ ജീവിതശൈലീ രോഗങ്ങളെ നിയന്ത്രിക്കാൻ കഴിയുമെന്ന് അദ്ദേഹം തന്റെ ഗവേഷണങ്ങളിലൂടെ തെളിയിച്ചിട്ടുണ്ട്. 2023-ൽ ഭാരത സർക്കാർ അദ്ദേഹത്തിന് പത്മശ്രീ പുരസ്കാരം നൽകി ആദരിച്ചു.

  ഡോ. ഖാദർ വാലി, ഉഷ ദമ്പതികളുടെ മകളാണ് ഡോക്ടർ  സരള ബാംഗ്ളൂർ . 

ഹോമിയോപ്പതിയിൽ ഗോൾഡ് മെഡലിസ്റ്റുകൂടിയായ ഡോക്ടർ സരള. ചെറുധാന്യങ്ങളുടെ പ്രചാരണത്തിൽ സജീവമാണ് ഡോക്ടർ സരള. ആഗസ്ത് 23,24, 25 എന്നീ തീയതികളിൽ ചെറുധാന്യങ്ങളുടെ ചെറുധാന്യങ്ങളെ കുറിച്ചും അവയുടെ ഉപയോഗങ്ങളെ കുറിച്ചും ഒരു പഠന ക്ലാസ്സ് കോഴിക്കോട് മുക്കത്തെ ഹൈ ലൈഫ് ആയുർവേദ ആൻഡ് യൂനാനി മൾട്ടി സ്പെഷ്യലിറ്റി ഹോസ്പിറ്റലിൽ വച്ച് നടത്തുന്നു. 

രാജ്യത്താകെ നിരവധി പഠന ബോധവത്കരണ ക്ലാസ്സുകൾ നടത്തിയ ഡോക്ടർ സരള ഡോ. ഖാദർ വാലിയുടെ പ്രവർത്തനങ്ങളെ പിന്തുടർന്ന് സമൂഹത്തിൽ മാതൃകയാകുന്നു.   

  ചെറുധാന്യങ്ങളെക്കുറിച്ചുള്ള അവബോധം വർദ്ധിപ്പിക്കുന്നതിനായി ഡോ. ഖാദർ വാലി നിരവധി പ്രവർത്തനങ്ങൾ നടത്തിയിട്ടുണ്ട്.

മനുഷ്യന്റെ ആരോഗ്യത്തിന് ഏറെ ഗുണകരമായ അഞ്ച് തരം ചെറുധാന്യങ്ങളെ 'സിരിധാന്യ' (Siridhanya) എന്ന് നാമകരണം ചെയ്തത് ഡോ. ഖാദർ വാലിയാണ്. ഫോക്സ്റ്റൈൽ മില്ലറ്റ് (തിന), കോഡോ മില്ലറ്റ് (വരഗ്), ലിറ്റിൽ മില്ലറ്റ് (ചാമ), ബ്രൗൺടോപ്പ് മില്ലറ്റ്, ബാർൺയാർഡ് മില്ലറ്റ് (കവടപ്പുല്ല്) എന്നിവയാണ് ഈ അഞ്ച് ചെറുധാന്യങ്ങൾ. ഈ ധാന്യങ്ങൾ ദൈനംദിന ഭക്ഷണത്തിൽ ഉൾപ്പെടുത്തുന്നതിലൂടെ പല രോഗങ്ങളും മാറ്റാൻ കഴിയുമെന്ന് അദ്ദേഹം വിശ്വസിക്കുന്നു.

  ചെറുധാന്യങ്ങളുടെ പ്രചാരണത്തിനായി പ്രവർത്തിക്കുന്ന 'ഡോ. ഖാദർ വാലി മില്ലറ്റ് പ്രമോഷൻ നെറ്റ് വർക്ക്' എന്നൊരു സംഘടനയും അദ്ദേഹത്തിനുണ്ട്. ഈ സംഘടനയുടെ നേതൃത്വത്തിൽ രാജ്യത്തിന്റെ വിവിധ ഭാഗങ്ങളിൽ സെമിനാറുകളും ശില്പശാലകളും സംഘടിപ്പിക്കാറുണ്ട്.

ചെറുധാന്യങ്ങളെക്കുറിച്ചും അവയുടെ ആരോഗ്യപരമായ ഗുണങ്ങളെക്കുറിച്ചും കർഷകരിലും സാധാരണക്കാരിലും എത്തിക്കുന്നതിന് ഇത് സഹായിക്കുന്നു.