പ്രകൃതി – നമ്മുടെ അമ്മയും ദൈവവും

പ്രകൃതി – നമ്മുടെ അമ്മയും ദൈവവും

: പ്രൊഫ. ഡോ. സുരേഷ് കെ. ഗുപ്തൻ

പ്രകൃതിയുടെ സൃഷ്ടിയായ മനുഷ്യൻ ഇന്ന് പ്രകൃതിയിൽ നിന്ന് അകന്നു കൊണ്ടിരിക്കുന്നു.

സ്വാർത്ഥതയുടെ കണ്ണുകെട്ടിൽപ്പെട്ട് പ്രകൃതിയെ ചൂഷണം ചെയ്യുകയും, അതിന്റെ സമന്വിതാവസ്ഥ തകർക്കുകയും ചെയ്യുന്ന അവസ്ഥയാണ് നാം സാക്ഷ്യം വഹിക്കുന്നത്.

ഈ വഴിയാത്ര എവിടെയെത്തും എന്നത് ഭാവി തലമുറയ്ക്ക് ഭീതിജനകമായ ചോദ്യമാണ്.

AIMRC ഡയറക്ടറും, ലോക സമാധാന പുനരധിവാസ സംഘടനാ തലവനുമായ പ്രൊഫ. ഡോ. സുരേഷ് കെ. ഗുപ്തൻ പറയുന്നു:

“നമുക്ക് ആവശ്യമായതെല്ലാം പ്രകൃതിയിൽ ഉണ്ട്, പക്ഷേ അത്യാർത്ഥിക്കുള്ള ഒന്നും ഇല്ല. പ്രകൃതി അമ്മയാണ്, ദൈവമാണ്, സർവവും പ്രകൃതിയിലാണ്.”

നമ്മുടെ പൂർവ്വികർ പ്രകൃതിയെ ആരാധിച്ചു. അവർ അവരുടെ ആഗ്രഹങ്ങളെ പ്രകൃതിയുടെ നിലനിൽപ്പിനായി മാറ്റിവെച്ചു. എന്നാൽ ഇന്നത്തെ സമൂഹം, സ്വന്തം സൗകര്യങ്ങൾക്കായി പ്രകൃതിയിൽ നിന്നു മാറി, അതിനെ താറുമാറാക്കി കൊണ്ടിരിക്കുന്നു.

ഏറ്റവും വലിയ പ്രകൃതി ഉപാസകനായിരുന്ന നമ്മുടെ രാഷ്ട്രപിതാവിന്റെ അനുയായികളെന്നു അഭിമാനിക്കുന്ന നാം, ഇന്ന് പ്രകൃതിയെ ചൂഷണം ചെയ്യുന്ന രാജ്യങ്ങളുടെ പട്ടികയിൽ മുന്നിലെത്തി നിൽക്കുന്ന അവസ്ഥയാണ്.

ഇതു പറയുമ്പോൾ തന്നെ, കുറ്റബോധത്താലും നാണക്കേടിനാലും തലകുനിക്കേണ്ടിവരുന്നു.

ഭാവി തലമുറയ്ക്കായി നാം ഒരുക്കിയിരിക്കുന്നത് കുറച്ചു സമ്പത്ത് മാത്രമോ, അല്ലെങ്കിൽ പ്രകൃതിയുടെ സമ്പത്തോ? നോട്ടുകെട്ടുകൾ കൊണ്ട് ശുദ്ധജലം, ശുദ്ധവായു, പച്ചപ്പുള്ള കാടുകൾ തിരികെ കിട്ടുമോ?

കാലം നമ്മോട് കഠിനമായ ചോദ്യങ്ങൾ ചോദിക്കുകയാണ്.

ബ്രിട്ടണിലെ സർവകലാശാലാ പ്രൊഫസർ മൈൽസ് റീചാർഡ്സൺ നടത്തിയ പഠനം പ്രകാരം, 1800-കളിൽ നിന്ന് 2020 വരെ, മനുഷ്യൻ തന്റെ വിദ്യാഭ്യാസ-ജീവിതരീതികളിൽ നിന്ന് പ്രകൃതിയെ ക്രമേണ പുറത്താക്കിയിരിക്കുന്നു.

നമ്മുടെ ബാല്യകാലത്ത് "കുപ്പിവെള്ളം" എന്ന ആശയം പോലും ഉണ്ടായിരുന്നില്ല.

എന്നാൽ ഇന്ന്, വായുവിനുപോലും വില കൊടുക്കേണ്ട ദിവസങ്ങൾ അടുത്തു വന്നിരിക്കുന്നു.

സ്വാർത്ഥതയും അനാസ്ഥയും മൂലം, വരും തലമുറ മലിനമായ വായുവും, വിഷം കലർന്ന ജലവും, മരുഭൂമിയായി മാറിയ ഭൂമിയും ഏറ്റുവാങ്ങേണ്ടി വരും. അതിനാൽ തന്നെ, ഇനിയും സമയം നഷ്ടപ്പെടുത്താതെ പ്രകൃതിയിലേക്ക് തിരികെ പോകേണ്ടത് അത്യാവശ്യമാണ്.

വൃക്ഷങ്ങൾ നട്ടുപിടിപ്പിക്കുക, ജലസ്രോതസ്സുകൾ സംരക്ഷിക്കുക, കുട്ടികളിൽ തന്നെ പ്രകൃതിയോടുള്ള സ്നേഹവും സംരക്ഷണബോധവും വളർത്തുക.

ഇതൊക്കെയാണ് നമ്മുടെ ബാധ്യത. പണത്തിന്റെ ആരാധകരാകാതെ പ്രകൃതിയുടെ ആരാധകരാകുക.

പ്രകൃതി നമ്മെ പോറ്റും, സംരക്ഷിക്കും

, നാം പ്രകൃതിയോടൊപ്പം ജീവിക്കാൻ പഠിക്കണം.

"ലോകം മുഴുവൻ സുഖിനോ ഭവന്തു" എന്ന ആശംസ, പ്രകൃതി സംരക്ഷണത്തിലൂടെ മാത്രമേ യാഥാർഥ്യമാകൂ.