ചെറുപ്പക്കാരിൽ കണ്ണുവരൾച്ച വർധിക്കുന്നു

തൃശ്ശൂർ ചെറുപ്പക്കാരിൽ കണ്ണുകളിലെ ജലാംശം നഷ്‌ടപ്പെടുന്ന അവസ്ഥ വർധിക്കുന്നതായി കണ്ടെത്താൽ, രാമവർമ ജില്ലാ ആയുർവേദ ആശുപത്രി, നേത്രവിഭാഗത്തിൽ 'ഡ്രൈ ഐ' പരിശോധനാക്യാമ്പിൽനിന്നാണ് ഈ നിരീക്ഷണം. ദൃശ്യമാധ്യമങ്ങൾ അധികമായി ഉപയോഗിക്കുന്നവർക്കായി 'ഇമ പൂട്ടു, ഈർപ്പം നിലനിർത്തു...' എന്ന ദൃഷ്ട്‌ടി പദ്ധതിയുടെ ഭാഗമായിട്ടാണ് ക്യാമ്പ് സംഘടിപ്പിച്ചത്. ദൃശ്യമാധ്യമങ്ങളുടെ അമിത ഉപയോഗം കണ്ണുകൾക്ക് വരൾച്ച ഉണ്ടാക്കുന്നു. ഇത് കണ്ണുകളിൽ നീർക്കെട്ട് ഉണ്ടാക്കാനും കാഴ്‌ച കുറയാനും കാരണമാകുന്നു.

ഉറക്കക്കുറവും പ്രമേഹം പോലുള്ള ജീവിതശൈലീരോഗങ്ങളും ഇതിന് കാരണമാണ്. ഭാരതീയ ചികിത്സാവകുപ്പ്, നാഷണൽ ആയുഷ് മിഷൻ എന്നിവയുടെ നേതൃത്വത്തിൽ ജില്ലാ പഞ്ചായത്തിൻ്റെ സഹകരണത്തോടെയാണ് ക്യാമ്പ്. ജില്ലാ പഞ്ചായത്ത് പ്രസിഡൻ്റ് വി.എസ്. പ്രിൻസ് ക്യാമ്പ് ഉദ്ഘാടനം ചെയ്തു. ഭാരതീയ ചികിത്സാവകുപ്പ് ജില്ലാ മെഡിക്കൽ ഓഫീസറുടെ ചുമതല വഹിക്കുന്ന ഡോ ആഗ്നസ് ക്ളീറ്റസ് അധ്യക്ഷത വഹിച്ചു.

ചീഫ് മെഡിക്കൽ ഓഫീസർ ഡോ. എം.എസ്. ശ്രീലേഖ, ഡോ. പി.കെ. നേത്രദാസ്, അഡ്വ. കെ.ജെ. റാഫി, ഡോ. സ്മ‌ിനി മൂഞ്ഞേലി, ഡോ.ബിന്ദു ജി. നായർ, ഡോ, ഗ്രീഷ്‌മ, ഡോ, റൈഹാനത്ത് എന്നിവർ പ്രസംഗിച്ചു.