പാരമ്പര്യ വൈദ്യത്തിനുള്ള സ്വാമി നിർമ്മലാനന്ദഗിരി മഹാരാജ് സ്മാരക പുരസ്കാരം പ്രഖ്യാപിച്ചു

പാരമ്പര്യ വൈദ്യത്തിനുള്ള സ്വാമി നിർമ്മലാനന്ദഗിരി മഹാരാജ് സ്മാരക പുരസ്കാരം പ്രഖ്യാപിച്ചു

വടകര ∙ പാരമ്പര്യ വൈദ്യത്തിന്റെ പുനരുജ്ജീവനത്തിന് സമർപ്പിത ജീവിതം നയിച്ച സ്വാമി നിർമ്മലാനന്ദഗിരി മഹാരാജിന്റെ സ്മരണയിൽ മഹാത്മാ ദേശസേവാ ട്രസ്റ്റിന്റെ ആഭിമുഖ്യത്തിൽ നൽകുന്ന സ്മാരക പാരമ്പര്യ വൈദ്യ പുരസ്കാരങ്ങൾ പ്രഖ്യാപിച്ചു.

2025 ഓഗസ്റ്റ് 24-ന് (ഞായർ) ഉച്ചകഴിഞ്ഞ് 3 മണിക്ക് വടകര കരിമ്പനപ്പാല ത്തുള്ള രാമാനന്ദ ഓഡിറ്റോറിയത്തിലാണ് പുരസ്കാരദാന സമ്മേളനം നടക്കുക.

ഈ വർഷത്തെ പുരസ്കാര ജേതാക്കൾ:

എം.വി. ജനാർദ്ദനൻ വൈദ്യർ (മഞ്ചേരി)

കെ.വി. മുഹമ്മദ് ഗുരുക്കൾ (പുതുപ്പണം)

കാനായി നാരായണൻ വൈദ്യർ (പയ്യന്നൂർ)

ഒരു ലക്ഷം രൂപയും പ്രശസ്തി പത്രവുമുള്ള പുരസ്കാരത്തിനൊപ്പം, അശോകൻ സർഗാലയത്തിൽ തയ്യാറാക്കിയ ശില്പവുമാണ് നൽകുന്നത്.

സ്വാമി നിർമ്മലാനന്ദഗിരിയുടെ സംഭാവന

ജീവിതശൈലി രോഗങ്ങൾക്കും കാൻസറിനും കിഡ്നി രോഗങ്ങൾക്കും പരമ്പരാഗത വൈദ്യരീതികളിൽ ഫലപ്രദമായ ചികിത്സ നൽകാൻ സാധിക്കുമെന്ന് അദ്ദേഹം പ്രഖ്യാപിച്ചിരുന്നു.

കേരളം മുഴുവൻ ചികിത്സാ കേന്ദ്രങ്ങൾ സ്ഥാപിച്ചും പ്രഭാഷണങ്ങളിലൂടെയും അദ്ദേഹം ഈ സത്യം സമൂഹത്തെ ബോധ്യപ്പെടുത്താൻ സാധിച്ചു. ഒറ്റപ്പാലത്തുള്ള പാലിയിലുള്ള മഠത്തിൽ സ്ഥാപിച്ച ലൈബ്രറിയിൽ 'അർക്കശാസ്ത്ര'ം ഉൾപ്പെടെ ആയുര്‍വേദ-പാരമ്പര്യ വൈദ്യവുമായി ബന്ധപ്പെട്ട അനവധി ഗ്രന്ഥങ്ങൾ നിലവിലുണ്ട്.

സ്വാമി നിർമലാനന്ദഗിരിയുടെ നേതൃത്വത്തിൽ പുറത്തിറങ്ങിയ പ്രഭാഷണ സിഡികളുടെയും ചാനൽ പ്രഭാഷണങ്ങളുടെയും വലിയ സംഭാവനയിലൂടെ പാരമ്പര്യ വൈദ്യത്തിന്റെ അക്കാദമികത ഉയരങ്ങളിൽ എത്തുകയായിരുന്നു.

പരമ്പരാഗത വൈദ്യത്തിന്റെ മാന്യതയിലേക്കും മുഖ്യധാരയിലേക്കുമുള്ള പ്രവേശനത്തിനായി നടത്തിയ പരിശ്രമം ‘ഭഗീരഥപ്രയത്നം’ എന്ന തരത്തിലാണ് വിശേഷിപ്പിക്കപ്പെടുന്നത്.

പുരസ്കാര സമിതി,

വിശകലനവും വ്യത്യസ്ത നിഗമനങ്ങളും അടിസ്ഥാനമാക്കിയെടുത്ത പേരുകളെ മാനിച്ച്, ട്രസ്റ്റ് ബോർഡ് യോഗം പുരസ്കാര ജേതാക്കളെ അന്തിമമായി നിശ്ചയിച്ചു. വിശിഷ്ട സമിതിയംഗങ്ങളായ വിസി വിജയൻ മാസ്റ്റർ, പി.പി. ഉണ്ണികൃഷ്ണൻ, തയ്യുള്ളതിൽ രാജൻ എന്നിവരായിരുന്നു നിർണയ സമിതിയിലുണ്ടായിരുന്നത്.

പ്രഥമ പുരസ്കാര ജേതാക്കളായി കെ. ഗോപാലൻ വൈദ്യർ, കെ. തങ്കച്ചൻ വൈദ്യർ, ഡോ. സുരേഷ് കുമാർ ഗുരുക്കൾ എന്നിവരെ നേരത്തെ ആദരിച്ചിരുന്നു.

ട്രസ്റ്റ് ചെയർമാൻ ടി. ശ്രീനിവാസൻ (9539611741) വാർത്താക്കുറിപ്പിൽ അറിയിക്കുന്നു