വലിയകുന്ന് താലൂക്കാശുപത്രിയിൽ മുട്ടുമാറ്റിവെക്കൽ ശസ്ത്രക്രിയ

ആറ്റിങ്ങൽ : വലിയകുന്ന് താലൂക്കാശുപത്രിയിൽ മുട്ടുമാറ്റിവെക്കൽ ശസ്ത്രക്രിയ വിജയകരമായി പൂർത്തിയാക്കി. സങ്കീർണമായ ശസ്ത്രക്രിയകൾ വിജയകരമായി നടത്താനുള്ള സംവിധാനങ്ങളുള്ള ആശുപത്രിയായി ഇതോടെ വലിയകുന്ന് താലൂക്കാശുപത്രി മാറി.

ഈ മാസം 17-ന് ആശുപത്രിയിൽ തിമിരശസ്ത്രക്രിയയും വിജയകരമായി പൂർത്തിയാക്കിയിരുന്നു. ആശുപത്രി സൂപ്രണ്ട് ഡോ. പ്രിതാസോമൻ നേതൃത്വത്തിൽ അസ്ഥിരോഗവിഭാഗം ഡോക്ടർമാരായ രവിശങ്കർ, സുനിൽ ലത്തീഫ്, അനസ്ത‌ീസ്യ വിഭാഗത്തിലെ ഡോക്‌ടർ അശ്വതി, നഴ്സിങ് ഓഫീസർമാരായ ഡോളി ശ്രീധരൻ, മാഹിറ, മേഘ തുടങ്ങിയവരുൾപ്പെട്ട സംഘമാണ് മുട്ടുമാറ്റിവെക്കൽ ശസ്ത്രക്രിയ നടത്തിയത്.