വടകരയിലെ 'പച്ച മനുഷ്യന് ' നാളെ പൗരസ്വീകരണം

വടകരയിലെ

'പച്ച മനുഷ്യന് ' 

നാളെ പൗരസ്വീകരണം 

വടകര : മികച്ച പരിസ്ഥിതിസംരക്ഷകനുള്ള സംസ്ഥാനസർക്കാരിന്റെ പരിസ്ഥിതിമിത്രം പുരസ്കാരംനേടിയ മണലിൽ മോഹനന് വടകര എഫാസിന്റെ നേതൃത്വത്തിൽ 24-ന് വടകരയിൽ പൗരസ്വീകരണംനൽകും.

വടകര ടൗൺഹാളിൽ വൈകീട്ട് നാലുമണിക്ക് നവകേരളം പദ്ധതി സംസ്ഥാന കോഡിനേറ്ററും ഹരിതകേരളം മിഷൻ സംസ്ഥാന എക്സിക്യുട്ടീവ് ഡയറക്ടറുമായ ഡോ. ടി.എൻ. സീമ ഉദ്ഘാടനംചെയ്യുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു.

കോഴിക്കോട് മേയർ ബീന ഫിലിപ്പ് മുഖ്യാതിഥിയാകും. കലാ-സാംസ്കാരിക പരിസ്ഥിതിമേഖലകളിലെ പ്രമുഖവ്യക്തികളും ജനപ്രതിനിധികളും ചടങ്ങിൽ പങ്കെടുക്കും. പത്രസമ്മേളനത്തിൽ എഫാസ് ജനറൽ സെക്രട്ടറി സി. വത്സകുമാർ, ടി.വി.എ. ജലീൽ, കെ. വിജയൻ, എൻ. ചന്ദ്രൻ എന്നിവർ പങ്കെടുത്തു.

സ്വീകരണപരിപാടിയുടെ ഭാഗമായി ഹൈസ്കൂൾ

വിദ്യാർഥികൾക്കായ് സംഘടിപ്പിച്ച ഉപന്യാസരചനാമത്സരത്തിൽ പുത്തൂർ ഗവ. എച്ച്.എസ്.എസിലെ ടി. വിഷ്ണുപ്രിയ ഒന്നാംസ്ഥാനംനേടി. മണിയൂർ ഗവ. എച്ച്.എസ്.എസ്. വിദ്യാർഥിനികളായ തന്മയ. ബി. രാജ്, എം. നിവേദ്യ എന്നിവർ രണ്ടും മൂന്നും സ്ഥാനത്തെത്തി. നമ്മുടെ ഭൂമി, നമ്മുടെ ഭാവി എന്നതായിരുന്നു വിഷയം. വിജയികൾക്ക് സ്വീകരണച്ചടങ്ങിൽ സമ്മാനം വിതരണംചെയ്യും.