ഐ.ഇ.ഐ അവധിക്കാല ക്യാമ്പ്: കുട്ടികൾക്കായി 'കൃഷിയെഴുത്തിന്റെ ബാലപാഠങ്ങൾ' ക്ലാസ് സംഘടിപ്പിച്ചു

പത്താമുദയത്തിന്റെ പശ്ചാത്തലത്തിൽ, 'പകൽവാഴും പെരുമാൾ' ആയ സൂര്യനെ കേന്ദ്രീകരിച്ചായിരുന്നു ക്ലാസിന്റെ തുടക്കം. കൃഷിയും സൂര്യനും തമ്മിലുള്ള ബന്ധം, കാലാവസ്ഥാ വ്യതിയാനം സൃഷ്ടിക്കുന്ന വെല്ലുവിളികൾ, ഉഷ്ണതരംഗം നേരിടാൻ സ്വീകരിക്കേണ്ട കൃഷിരീതികൾ എന്നിവയെക്കുറിച്ച് കഥാകഥന ശൈലിയിൽ അദ്ദേഹം കുട്ടികൾക്ക് വിവരിച്ചു നൽകി. കൃഷിയെഴുത്തിലെ അടിസ്ഥാന തത്വങ്ങളെക്കുറിച്ച് സംസാരിച്ച അദ്ദേഹം കുട്ടികൾക്കായി ഒരു ലഘു രചനാ മത്സരവും സംഘടിപ്പിച്ചു.

തിരുവനന്തപുരത്തെയും പരിസരപ്രദേശങ്ങളിലെയും വിവിധ സ്കൂളുകളിൽ നിന്നുള്ള ഇരുപത്തഞ്ചോളം വിദ്യാർത്ഥികളും തമിഴ്നാട്ടിലെ തെങ്കാശിയിൽ നിന്നുള്ള ഒരു വിദ്യാർത്ഥിയും ക്യാമ്പിൽ പങ്കെടുത്തു. പാഠപുസ്തകങ്ങളിലെ കൃഷി വിജ്ഞാനത്തിനപ്പുറം പ്രായോഗികമായ അറിവ് കുട്ടികളിലെത്തിക്കാൻ വിദ്യാലയങ്ങളിൽ 'മോഡൽ വെജിറ്റബിൾ ഗാർഡനുകൾ' ഒരുക്കേണ്ടതിന്റെ ആവശ്യകതയെക്കുറിച്ചും അദ്ദേഹം ക്ലാസ്സിൽ ഊന്നിപ്പറഞ്ഞു.

ഇൻസ്റ്റിറ്റ്യൂഷൻ ഓഫ് എഞ്ചിനീയേഴ്സ് ഇന്ത്യ കേരള ചാപ്റ്റർ ചെയർമാൻ ശ്രീ. കെ.എസ്. ഉദയകുമാറിന്റെ നേതൃത്വത്തിലാണ് ഈ വർഷത്തെയും അവധിക്കാല ക്ലാസ്സുകൾ സംഘടിപ്പിച്ചിരിക്കുന്നത്. ശാസ്ത്ര-സാങ്കേതിക രംഗത്തെ വിദഗ്ധരുടെ കൂട്ടായ്മയായ ഐ.ഇ.ഐയുടെ ഇത്തരം ക്യാമ്പുകൾ കുട്ടികൾക്കിടയിൽ വലിയ സ്വീകാര്യതയാണ് നേടുന്നത്.