ഊട്ടി കുളിരിന്റെ പിടിയിൽ

കുറഞ്ഞ താപനില 2.3 ഡിഗ്രി സെൽഷ്യസ്

ഊട്ടി: ഊട്ടി കുളിരിൻ്റെ പിടിയിൽ കുറഞ്ഞ താപനില 2.3 ഡിഗ്രി സെൽഷ്യസ് രേഖപ്പെടുത്തി. ഈവർഷം വൈകിയാണ് തണുപ്പ് ആരംഭിച്ചത്. നേരത്തേ നവംബർ ആദ്യവാരംതന്നെ മഞ്ഞുകാലം തുടങ്ങുമായിരുന്നു. ഇപ്പോൾ ഒരുമാസം വൈകി. ഊട്ടി ബസ്സ്സ്റ്റാൻഡ് പരിസരം, തലകുന്ന, കാന്തൽ എന്നിവിടങ്ങളിൽ മഞ്ഞുവീഴ്‌ചയുണ്ടായി. രാത്രിയിൽ കൊടുംതണുപ്പാണ് അനുഭവപ്പെടുന്നത്. ഇനിയുള്ള രണ്ടുമാസം ഊട്ടിയിൽ കുളിരിന്റെ ദിനങ്ങളായിരിക്കും. കുറഞ്ഞ താപനില പൂജ്യത്തിലും താഴെവരെ എത്താൻ സാധ്യതയുണ്ട്.