അവക്കാഡോ കൃഷി വ്യാപിപ്പിക്കാൻ നേതൃത്വം നൽകും

തൊടുപുഴ: കാഡ്‌സ് വില്ലേജ് സ്ക‌്വയറിൽ നടന്ന അവക്കാഡോ കർഷക സംഗമം നടത്തി. ഫ്രൂട്ട്സ് വാലി ഇൻ്റർനാഷണൽ അവക്കാഡോ റിസർച്ച് സെന്റർ ചെയർമാൻ അഡ്വ. ബിജു പറയന്നിലം ഉദ്ഘാടനം ചെയ്‌തു. അവക്കാഡോ കൃഷി കേരളത്തിൽ വ്യാപിപ്പിക്കുന്നതിന് നേതൃത്വം നൽകുമെന്ന് അദ്ദേഹം പറഞ്ഞു.

ഏറ്റവും പോഷകസമ്പന്നമായ അവക്കാഡോ കൃഷി കേരളത്തിൽ വ്യാപിക്കുന്നതോടെ കാർഷിക മേഖലയിൽ വലിയ ഉണർവുണ്ടാകുമെന്ന് സെമിനാർ നയിച്ച രാഷ്ട്രപതിയുടെ ഇന്നോവേഷൻ അവാർഡ് ജേതാവായ ജോസി കൊച്ചുകൂടി പറഞ്ഞു. അവക്കാഡോ ഫാർമേഴ്‌സ് ക്ലബ്ബിന്റെ ആദ്യ അംഗത്വം മർച്ചന്റ്സ് അസോസിയേഷൻ പ്രസിഡൻ്റ് രാജു തരണിയിൽ, കാഡ്സ് ചെയർമാൻ ആന്റണി കണ്ടിരിക്കലിൽനിന്ന് സ്വീകരിച്ചു. ഫലവർഗ കർഷകരായ ജോബ് വർഗീസ്, ഷീന ശങ്കരമംഗലത്തിൽ, റോയ് സെബാസ്റ്റ്യൻ എന്നിവരെ സംഗമത്തിൽ ആദരിച്ചു. ഫ്രൂട്ട്സ് വാലി മാനേജർമാരായ ബിനു മണ്ണൂർ, സജി വടക്കേൽ, അനുമോൾ ജോസഫ് തുടങ്ങിയവർ പ്രസംഗിച്ചു.