തരിശുഭൂമിയിലെ വാഴക്കൃഷിയിൽ നേട്ടമുണ്ടാക്കി തൊഴിലാളികൾ

പുലിയൂർ: തൊഴിലുറപ്പുപ്രകാരം തരിശുഭൂമിയിൽ വിളവിറക്കിയ വാഴക്കൃഷി തൊഴിലാളികൾക്ക് നേട്ടമായി. ഒൻപതുമാസത്തിൽ വിളവെടുക്കുന്നതിനുപകരം ഏഴാംമാസത്തിൽത്തന്നെ വിളവെടുത്തു. പുലിയൂർ പഞ്ചായത്ത് ഒന്നാംവാർഡിൽ ഒരേക്കർ സ്ഥലത്താണ് തൊഴിലുറപ്പു തൊഴിലാളികളും കുടുംബശ്രീ അംഗങ്ങളും ചേർന്ന് കൃഷിയിറക്കിയത്.

നൂറിലധികം ഏത്തക്കുലകളാണ് വിളവെടുപ്പിനു പാകമായത്. വിളവെടുപ്പിന്റെ ഉദ്ഘാടനം പഞ്ചായത്ത് പ്രസിഡൻ്റ് എം.ജി. ശ്രീകുമാർ ഉദ്ഘാടനം ചെയ്തു. അംഗങ്ങളായ മഞ്ജു യോഹന്നാൻ, സരിതാഗോപൻ, എം.സി. വിശ്വൻ, ഇന്ദിരാശശീന്ദ്രൻ, സുജാരാജീവ്, ജോയിൻ്റ് ബിഡിഒ വിജയേഷ് തുടങ്ങിയവർ പങ്കെടുത്തു.