ഇരുപത്തിമൂന്നാമത് സംസ്ഥാന വാർഷിക സമ്മേളനത്തിന് ചേലേമ്പ്രയിൽ പതാക ഉയർന്നു.

ദേവകിയമ്മ ഇൻസ്റ്റിറ്റ്യൂഷൻസ് മാനേജർ ശ്രീ എൻ നാരായണൻ, കോളേജ് പ്രിൻസിപ്പൽ ഡോ: കെ പി അനിൽകുമാർ വൈസ് പ്രിൻസിപ്പൽ ഡോ:അശോകൻ നൊച്ചാട് എന്നിവർ ചടങ്ങിന് നേതൃത്വം നൽകി .

മൂന്ന് ദിവസമായി നടക്കുന്ന ദേശീയ കൺവെൻഷന് കേരളത്തിന്ന് അകത്ത് നിന്നും പുറത്ത് നിന്നും എത്തിയ അധ്യാപകരും വിദ്യാർത്ഥികളും ചടങ്ങിന് സാക്ഷ്യം വഹിച്ചു .

ആദ്യദിനത്തെ ഓൺലൈൻ പ്രബന്ധാവതരണങ്ങൾക്ക് എത്തിയ ഗവേഷകരെയും അധ്യാപകരെയും കോളേജ് പ്രിൻസിപ്പൽ സ്വാഗതം ചെയ്ത് സംസാരിച്ചു.

സി ടി ഇ എഫ് കേരള ഘടകം ചെയർപേഴ്സൺ ഡോ:എം എസ് ഗീത അധ്യക്ഷത വഹിച്ച ചടങ്ങിൽ ജനറൽ സെക്രട്ടറി പ്രൊഫസർ ഡോ: നിമ്മി മരിയ ഉമ്മൻ മൂന്നുദിവസത്തെ കാര്യപരിപാടികൾ വിശദീകരിച്ചു .

തുടർന്ന് ഡോ:ഗ്രേസ് ആനി മാത്യു , പ്രൊഫസർ ഡോ:ബിന്ദു സി എം, ഡോ: അർച്ചന ഭട്ടാചാര്യ എന്നിവർ ആശംസകൾ അർപ്പിച്ച് സംസാരിച്ചു. തുടർന്ന് കോളേജ് വൈസ് പ്രിൻസിപ്പൽ ഡോ: അശോകൻ നൊച്ചാട് നന്ദി പറഞ്ഞു. പിന്നീട് രണ്ട് സെഷനുകളായി നടന്ന സെമിനാറിൽ നിരവധി പ്രബന്ധങ്ങൾ അവതരിപ്പിക്കപ്പെട്ടു.

നാളെ സി ടി ഈ എഫ് ദേശീയ പ്രസിഡൻറ് പ്രൊഫസർ ഡോ: കെ എം ബന്ദാർക്കർ അധ്യക്ഷത വഹിക്കുന്ന ചടങ്ങിൽ മുൻ വിദ്യാഭ്യാസ മന്ത്രിയും ലോകസഭ അംഗവുമായ ശ്രീ ഇടി മുഹമ്മദ് ബഷീർ Dhകൺവെൻഷൻ ഔപചാരികമായി ഉദ്ഘാടനം ചെയ്യും.