മാലിന്യം വേർതിരിക്കുന്ന യന്ത്രം അവതരിപ്പിച്ച് ദക്ഷിണേന്ത്യൻ ശാസ്ത്രമേളയിൽ ഒന്നാംസ്ഥാനം

ശ്രീകൃഷ്ണപുരം: മാലിന്യം വേർതിരിക്കുന്ന യന്ത്രം അവതരിപ്പിച്ച് ദക്ഷിണേന്ത്യൻ ശാസ്ത്രമേളയിൽ കാട്ടുകുളം ഹയർസെക്കൻഡറി സ്‌കൂളിന് വിജയം, ബെംഗളൂരു വിശ്വേശ്വരയ്യ മ്യൂസിയവും പുതുച്ചേരി വിദ്യാഭ്യാസവകുപ്പും പുതുച്ചേരിയിൽ സംഘടിപ്പിച്ച ദക്ഷിണേന്ത്യൻ ശാസ്ത്ര പ്രദർശനത്തിലാണ് കാട്ടുകുളം സ്കൂളിലെ അനിരുദ്ധ് എം. നായർ, എം. അശ്വന്ത് ശ്രീകുമാർ എന്നീ വിദ്യാർഥികളൊരുക്കിയ വർക്കിങ് മോഡൽ ഒന്നാംസ്ഥാനം നേടിയത്.

ഒന്നായി കൂട്ടിയിരിക്കുന്ന മാലിന്യത്തെ ഒൻപതായി വേർതിരിക്കുന്ന യന്ത്രം പരിചയപ്പെടുത്തുക വഴി മാലിന്യസംസ്‌കരണത്തിൻ്റെ ആവശ്യകതയും അതിൽ സാങ്കേതികവിദ്യയുടെ പ്രാധാന്യവുമാണ് ഇവർ അവതരിപ്പിച്ചത്. ശാസ്ത്രാധ്യാപകൻ സഞ്ജയ് എസ്. നായരും പങ്കെടുത്തിരുന്നു.