ഉന്നതവിദ്യാഭ്യാസരംഗത്ത് ഇഗ്നോ മികച്ച അവസരങ്ങൾ നൽകുന്നു- ശശി തരൂർ

തിരുവനന്തപുരം : ഉന്നതവിദ്യാഭ്യാസരംഗത്ത് മികച്ച അവസരങ്ങളാണ് ഇന്ധിരാഗാന്ധി നാഷണൽ ഓപ്പൺ യൂണിവേഴ്‌സിറ്റി നൽകുന്നതെന്ന് ശശി തരൂർ എം.പി. യൂണിവേഴ്‌സിറ്റിയുടെ തിരുവനന്തപുരം മേഖലാകേന്ദ്രത്തിന്റെ സ്റ്റുഡൻറ്‌സ്‌ ഇൻഡക്‌ഷൻ പ്രോഗ്രാം ഉദ്ഘാടനം ചെയ്യുകയായിരുന്നു അദ്ദേഹം.

കേന്ദ്ര മനുഷ്യവിഭവശേഷി മന്ത്രാലയത്തിന്റെ ചുമതല വഹിച്ചിരുന്ന സമയത്താണ് തനിക്ക് ഇഗ്നോയുടെ പ്രവർത്തനങ്ങളെക്കുറിച്ചു കൂടുതൽ മനസ്സിലാക്കാൻ സാധിച്ചത്. സർട്ടിഫിക്കറ്റ് പ്രോഗ്രാം മുതൽ ഗവേഷണതലം വരെയുള്ള വൈവിധ്യമാർന്ന പ്രോഗ്രാമുകളാണ് ഇഗ്നോ നൽകുന്നതെന്നും അദ്ദേഹം പറഞ്ഞു.

ചടങ്ങിൽ യുവസംരംഭകയായ ആനി റിബു ജോഷിയെ ചടങ്ങിൽ ആദരിച്ചു. ഇഗ്നോ മേഖലാ കേന്ദ്രം റീജണൽ ഡയറക്ടർ ഡോ. എം.രാജേഷ്, അസിസ്റ്റന്റ് റീജണൽ ഡയറക്ടർ ഡോ. ടി.ആർ.സത്യകീർത്തി തുടങ്ങിയവർ പങ്കെടുത്തു.