ആദ്യദിനത്തിൽ ശാസ്ത്ര, ഗണിത, ഐ.ടി.മേള

നെയ്യാറ്റിൻകര : തിരുവനന്തപുരം റവന്യു ജില്ലാ ശാസ്‌ത്രോത്സവത്തിന് നെല്ലിമൂട് ന്യൂ ഹയർ സെക്കൻഡറി സ്കൂളിൽ തുടക്കമായി.

ആദ്യദിനത്തിൽ ശാസ്ത്രമേള, ഗണിതശാസ്ത്രമേള, ഐ.ടി.മേള എന്നിവ നടന്നു. ചൊവ്വാഴ്ച തത്സമയ പ്രവൃത്തിപരിചയമേള, സാമൂഹികശാസ്ത്രമേള, ഐ.ടി. മേള എന്നിവ നടക്കും. ബുധനാഴ്ച മേള സമാപിക്കും. കെ.ആൻസലൻ എം.എൽ.എ. ഉദ്ഘാടനം ചെയ്തു. അതിയന്നൂർ പഞ്ചായത്ത് പ്രസിഡന്റ് വി.പി.സുനിൽകുമാർ അധ്യക്ഷനായി. ജില്ലാ പ്പഞ്ചായത്ത് പ്രസിഡന്റ് ഡി.സുരേഷ്‌കുമാർ മുഖ്യാതിഥിയായി.

അതിയന്നൂർ ബ്ലോക്ക് പഞ്ചായത്ത് വൈസ് പ്രസിഡന്റ് ബി.ബി.സുനിതാറാണി, പഞ്ചായത്ത് സ്ഥിരംസമിതി ചെയർമാൻ കൊടങ്ങാവിള വിജയകുമാർ, ഡി.ഇ.ഒ. ബി.ഇബ്രാഹിം, ന്യൂ എച്ച്.എസ്.എസ്. പ്രിൻസിപ്പൽ എസ്.കെ.അനിൽകുമാർ, പ്രഥമാധ്യാപിക എൻ.എസ്.ശ്രീകല, പി.ടി.എ. പ്രസിഡന്റ് അഡ്വ. എസ്.എസ്.ഷാജി, എസ്.എം.സി. ചെയർമാൻ എസ്.ആർ.സുജകുമാർ, ഡി.വിജയകുമാർ എന്നിവർ സംസാരിച്ചു.