റവന്യു ജില്ലാ ശാസ്‌ത്രോത്സവം കോഴിക്കോട് സിറ്റി ഉപജില്ല ഓവറോൾ ചാമ്പ്യൻമാർ

കുന്ദമംഗലം : ശാസ്ത്രവിജ്ഞാനം പകർന്നുനൽകി മൂന്നു ദിവസങ്ങളിലായി കുന്ദമംഗലത്ത് നടന്നുവന്ന കോഴിക്കോട് റവന്യു ജില്ലാ ശാസ്ത്രമേളയ്ക്ക് സമാപനം. 1091 പോയിന്റ് നേടിയ കോഴിക്കോട് സിറ്റി ഉപജില്ലയാണ് ഓവറോൾ ചാമ്പ്യൻമാർ. 1082 പോയിന്റുമായി മുക്കം ഉപജില്ല രണ്ടാമതെത്തി.

കുന്ദമംഗലം ബ്ലോക്ക് പഞ്ചായത്ത് പ്രസിഡന്റ് അരിയിൽ അലവി സമാപനസമ്മേളനം ഉദ്ഘാടനംചെയ്തു. ജില്ലാപഞ്ചായത്തംഗം പി.ടി.എം. ഷറഫുന്നിസ അധ്യക്ഷയായി. പ്രവീൺ, എൻ. ഷിയോലാൽ, എൻ. അബൂബക്കർ, മൂസക്കോയ മാവിളി, അബ്ദുൾ നാസർ, ഷെമീം, കെ.പി. ഫൈസൽ, പി.ടി. ബിനോജ്, മുഹമ്മദ് റഷീദ്, എൻ. സന്തോഷ് കുമാർ തുടങ്ങിയവർ സംസാരിച്ചു.