ഉപജില്ലാ സ്കൂൾ ശാസ്ത്രോത്സവം മൂന്നാറിൽ തുടങ്ങി

മൂന്നാർ: ഉപജില്ലാ സ്കൂൾ ശാസ്ത്രോത്സവം മൂന്നാറിൽ തുടങ്ങി. വ്യാഴാഴ്ച രാവിലെ 10-ന് ജില്ലാ പഞ്ചായത്ത്‌ അംഗം ഭവ്യ കണ്ണൻ ഉദ്ഘാടനംചെയ്തു. മൂന്നാർ പഞ്ചായത്ത് പ്രസിഡന്റ് ദീപ രാജ്കുമാർ അധ്യക്ഷയായി. മൂന്നാർ ലിറ്റിൽ ഫ്ളവർ ഹൈസ്കൂളിലാണ് ശാസ്ത്രോത്സവം നടക്കുന്നത്. മൂന്നാർ ഉപജില്ലയിലെ 75 സ്കൂളുകളിൽനിന്നായി 1500-ൽ അധികം വിദ്യാർഥികൾ പങ്കെടുക്കും. ശാസ്ത്രം, ഗണിതം, സാമൂഹ്യശാസ്ത്രം, ഐ.ടി. ഫെയർ എന്നീ വിഭാഗങ്ങളിലെ മത്സരങ്ങൾ വ്യാഴാഴ്ച നടന്നു. ബ്ലോക്ക് പഞ്ചായത്ത് അംഗം ജാക്വിലിൻ മേരി, സി. ശരവണൻ, ബി.പി.സി. ഹെപ്‌സി ക്രിസ്റ്റിനാൾ തുടങ്ങിയവർ പ്രസംഗിച്ചു. വെള്ളിയാഴ്ച നടക്കുന്ന പ്രവൃത്തിപരിചയ മേളയോടെ ശാസ്ത്രോത്സവം സമാപിക്കും.