കുന്നുമ്മൽ ഉപജില്ല ശാസ്ത്രോത്സവം ഒക്ടോബർ 16 , 17 തീയ്യതികളിൽ, കായക്കൊടി ഹയർസെക്കൻഡറി സ്കൂൾ , എ എം യു.പി സ്കൂൾഎന്നിവിടങ്ങളിൽ വെച്ച് നടക്കുകയാണ് . ഒക്ടോബർ 16ന് രാവിലെ 9 . 30 ന്, നിർമ്മിത ബുദ്ധി സംവിധാനം ഉപയോഗപ്പെടുത്തി, റോബോട്ട് ഉദ്ഘാടനം നിർവ്വഹിക്കുന്നതായിരിക്കും . 16 ന് നടക്കുന്ന പ്രവൃത്തി പരിചയ മേളയും , ഐ ടി മേളയും , കായക്കൊടി ഹയർ സെക്കൻഡറി സ്കൂളിലും , സോഷ്യൽ സയൻസ് മേള എ എം യു പി സ്കൂളിലും വെച്ച് നടക്കുന്നതായിരിക്കും. മേളയുടെ രണ്ടാം ദിനമായ 17-ാം തീയതി , ശാസ്ത്രമേള കെ പി ഇ എസ് ഹയർ സെക്കൻഡറി സ്കൂളിലും , ഗണിത ശാസ്ത്ര മേള എ എം യുപി സ്കൂളിലും വച്ചാണ് നടക്കുന്നത് . രജിസ്ട്രേഷൻ നടപടികൾ 15-ാം തീയതി കെ പി ഇ എസ് ഹയർ സെക്കണ്ടറിയിൽ നടക്കുന്നതാണ് . 4000 കുട്ടികൾ പങ്കെടുക്കുന്ന മേളയുടെ എല്ലാ ഒരുക്കങ്ങളും പൂർത്തിയായതായി സംഘാടകസമിതി ഭാരവാഹികൾ അറിയിച്ചു. സംഘാടക സമിതിയുടെ ചെയർമാൻ ഒ.പി ഷിജിൽ , എ ഇ ഒ . അബ്ദു റഹിമാൻ പി എം , ജനറൽ കൺവീനർ ജന്നത്ത് ടീച്ചർ,
എച്ച് എം ഫോറം കൺവീനർ ദിനേശൻ , മാനേജർമാരായ വി കെ അബ്ദുന്നസീർ , പയപ്പറ്റ അമ്മദ് മാസ്റ്റർ ഹെഡ് മാസ്റ്റർമാരായ പി കെ ബഷീർ മാസ്റ്റർ , ടി. സൈനുദ്ദീൻ മാസ്റ്റർ , നവാസ് പി കെ , സജീർ എം.ടി എന്നിവർ വാർത്താ സമ്മേളനത്തിൽ പങ്കെടുത്തു
വാർത്തകൾ പ്രസിദ്ധീകരിക്കാൻ
8714910399വാർത്തകളും വിശേഷങ്ങളും മുടങ്ങാതെ ലഭിക്കാൻ വാട്സ്ആപ്പ് ഗ്രൂപ്പിൽ അംഗം ആവുക
Join WhatsApp Group