കൊടുവള്ളി : കൊടുവള്ളി ഗവ. ഹയർസെക്കൻഡറി സ്കൂളിൽ അഞ്ചു മുതൽ എട്ടു വരെയുള്ള ക്ലാസുകളിലെ പെൺകുട്ടികൾക്കായി 'ഇഗ്നൈറ്റ് ഹെർ' പദ്ധതിയുടെ ഭാഗമായി നാലുദിവസത്തെ റോബോട്ടിക്സ്-ഇലക്ട്രോണിക്സ് ശില്പശാല സംഘടിപ്പിച്ചു. സ്കൂളിലെ അടൽ ടിങ്കറിങ് ലാബിൽ നടന്ന ശില്പശാലയിലൂടെ അടിസ്ഥാന സാങ്കേതികവിദ്യകൾ പരിചയപ്പെടാനും പ്രായോഗിക പരിശീലനത്തിലൂടെ കുട്ടികളുടെ സർഗാത്മക കഴിവുകൾ വികസിപ്പിക്കാനും സാധിച്ചു. പരിശീലനത്തിന്റെ ഭാഗമായി വിദ്യാർഥിനികൾക്കായി വെർച്വൽ റിയാലിറ്റി പ്രദർശനവും ഒരുക്കിയിരുന്നു.
സ്കൂളിലെ പൂർവവിദ്യാർഥി എം.എം. ജാസിബിന്റെ നേതൃത്വത്തിൽ ലിറ്റിൽ കൈറ്റ്സ് വിദ്യാർഥികളായ അൽഹാൻ, ഹുനൈസ്, മുഹമ്മദ് അസ്‌മിൽ, ഐസിൻ, ഉനൈസ് എന്നിവരാണ് പരിശീലന ക്ലാസുകൾ നയിച്ചത്. ശില്പശാലയുടെ ഉദ്ഘാടനം പി.ടി.എ. പ്രസിഡന്റ് ഒ.കെ. ബഷീർ നിർവഹിച്ചു. പ്രധാനാധ്യാപകൻ പി.വി. ജയാനന്ദൻ ചടങ്ങിൽ അധ്യക്ഷത വഹിച്ചു. എസ്.എം.സി. ചെയർമാൻ പി. ഷബീർ അലി മുഖ്യാതിഥിയായി പങ്കെടുത്തു. എസ്.എം.സി. അംഗം ജാഫർ, അധ്യാപകരായ കെ. ഫിർദൗസ് ബാനു, ഷിജിന ജയപാലൻ, ടി. ഹരിത, അസീസ എന്നിവർ സംസാരിച്ചു.
വാർത്തകൾ പ്രസിദ്ധീകരിക്കാൻ
9895745432 8714910399കല ,സാഹിത്യം ,ആത്മീയം ,ബിസിനസ്സ് ,വിദ്യാഭ്യാസം , & ടെക്‌നോളജി ആരോഗ്യം , വിനോദം തുടങ്ങിയ വിഷയങ്ങൾക്കൊപ്പം വാർത്തകളും വിശേഷങ്ങളും പതിവായി മുടങ്ങാതെ...ഓൺലൈനിൽ വാർത്താ ഗ്രൂപ്പിലേയ്ക്ക് താങ്കളെ സ്വാഗതം ചെയ്യുന്നു. താഴെ കൊടുത്ത ലിങ്കിൽ ക്ളിക് ചെയ്‌ത്‌ ജോയിൻ ചെയ്‌താലും .
Join WhatsApp GroupRelated Articles
