ആദ്യക്ഷരത്തിലൂടെ അറിവിന്റെ ലോകത്തേക്ക്; 15 കുരുന്നുകൾക്ക് അക്ഷരദീപം പകർന്ന് വിജയദശമി :ഡോ .എം .എസ് . സുനിൽ

ഒരു കുഞ്ഞ് ആദ്യക്ഷരം കുറിക്കുമ്പോൾ തുറക്കുന്നത് അറിവിന്റെ വിശാലമായ ലോകത്തേക്കുള്ള വാതിലാണ്. ലോകത്തെ അറിയാനും തിരിച്ചറിയാനും നന്മയും തിന്മയും വേർതിരിച്ചറിയാനും ആ അക്ഷരങ്ങൾ വഴികാട്ടിയാകുന്നു. അറിവിന്റെ വെളിച്ചത്തിൽ വളർന്ന് നല്ല മനുഷ്യരായി മാറുന്ന പുതുതലമുറയാണ് നാളെയുടെ പ്രതീക്ഷയും വാഗ്ദാനവും.

വിജയദശമി ദിനത്തിൽ ശ്രീജിയുടെയും അഭിരാമിന്റെയും മകൻ വസിഷ്ഠിന് പന്തളം സരസ്വതി ക്ഷേത്രത്തിൽ ആദ്യക്ഷരം കുറിച്ചുകൊണ്ട് വിദ്യാരംഭത്തിന് തുടക്കം കുറിക്കാനായത് ഹൃദയത്തോടു ചേർത്തുവയ്ക്കു ന്ന അനുഭവമായി. കുറിയന്നൂർ എംജിഎം സ്കൂളിലുൾപ്പെടെ രണ്ടു കേന്ദ്രങ്ങളിലായി 15 കുരുന്നുകൾക്ക് ആദ്യക്ഷരം കുറിച്ചുനൽകാൻ കഴിഞ്ഞത് വലിയൊരു സൗഭാഗ്യമായി കരുതുന്നു.

അക്ഷരങ്ങളുടെ ലോകത്തേക്ക് ചുവടുവയ്ക്കുന്ന ഈ കുരുന്നുകളെല്ലാം അറിവും വിവേകവും കരുണയും നിറഞ്ഞ നല്ല മനുഷ്യരായി വളരട്ടെ. സമൂഹത്തിന് നന്മ പകരുന്നവരും നാളെയുടെ പ്രതീക്ഷകളായി മാറുന്നവരുമായി അവർ ഉയരട്ടെ. ഓരോ കുഞ്ഞിന്റെയും ജീവിതയാത്രയിൽ അറിവിന്റെ വെളിച്ചവും നന്മയുടെ വഴിയും എന്നും തെളിഞ്ഞുനിൽക്കട്ടെ എന്ന പ്രാർത്ഥനയും ആശംസയും നേരുന്നു.

ആശംസകളോടെ, പ്രാർത്ഥനകളോടെ…