ഐ.എസ്.ആർ.ഒ. ബഹിരാകാശ ഗവേഷണ ക്യാമ്പിലേക്ക് എസ്. വൈഗ

കാക്കവയൽ : ഇന്ത്യയിലെ ഒൻപതാം ക്ലാസ് വിദ്യാർഥികൾക്കായി ഐ.എസ്.ആർ.ഒ. നടത്തിയ പരീക്ഷയിൽ 'യുവിക' ബഹിരാകാശ ഗവേഷണ ക്യാമ്പിലേക്ക് യോഗ്യതനേടി എസ്. വൈഗ. ഐ.എസ്.ആർ.ഒ.യുടെ ക്യാമ്പിലേക്ക് കേരളത്തിൽനിന്ന് 14 വിദ്യാർഥികളാണ് തിരഞ്ഞെടുക്കപ്പെട്ടത്. കാക്കവയൽ ഗവ. ഹയർ സെക്കൻഡറി സ്കൂ‌ൾ വിദ്യാർഥിയാണ്. മേയ് 11 മുതൽ 22 വരെ തിരുവനന്തപുരം വിക്രം സാരാഭായി റിസർച്ച് സെൻററിലാണ് ക്യാമ്പ് നടക്കുന്നത്.