സംസ്കൃത സർവകലാശാലാ വൈസ് ചാൻസലറായി പ്രൊഫ. സിസാതോമസ് ചുമതലയേറ്റു

കാലടി ശ്രീശങ്കരാചാര്യ സംസ്‌കൃത സർവകലാശാലാ വൈസ് ചാൻസലറായി പ്രൊഫ. സിസാതോമസ് ചുമതലയേറ്റു. രാവിലെ സർവകലാശാലാ കാമ്പസിലെത്തിയ സിസാ തോമസിനെ രജിസ്ട്രാർ മോത്തി ജോർജ് സ്വീകരിച്ചു.

പാരമ്പര്യത്തെയും ആധുനികതയെയും കൂട്ടിച്ചേർത്തുകൊണ്ടുള്ള പദ്ധതികളും കോഴ്‌സുകളും സർവകലാശാലയിൽ ആവിഷ്കരിക്കുമെന്ന് ചുമതലയേറ്റശേഷം വൈസ് ചാൻസലർ പറഞ്ഞു. കാലാനുസൃതമായ രീതിയിൽ സംസ്‌കൃതഭാഷയുടെയും സർവകലാശാലയുടെയും തനിമ നിലനിർത്തിക്കൊണ്ട് ന്യൂജെൻ കോഴ്സു‌കൾ ആരംഭിക്കും പ്രൊഫ. സിസാതോമസ് പറഞ്ഞു.

സംസ്കൃത സർവകലാശാല നേരിടുന്ന ഗുരുതരമായ സാമ്പത്തിക പ്രതിസന്ധി പരിശോധിച്ച്, പരിഹരിക്കുന്നതിനായി സർക്കാരിൻ്റെ സഹായം തേടും. ശനിയാഴ്ച സർവകലാശാലയിലെത്തുന്ന ഉന്നത വിദ്യാഭ്യാസ മന്ത്രി ആർ. ബിന്ദുവുമായി സാമ്പത്തിക പ്രതിസന്ധി പർച്ച ചെയ്യും. തോറ്റ ബി.എഫ്.എ. വിദ്യാർഥിയെ ജയിപ്പിച്ച നടപടി പരിശോധിക്കുമെന്നും പ്രൊഫ. സിസാതോമസ് പറഞ്ഞു.